Futbol onun gülüşünü unutmayacaq
Ronaldinyonun karyerasını bitirməsi ilə bağlı verdiyi açıqlama böyük
ajiotaj yaradıb.
Kaspi.az xəbər verir ki, Ronaldinyonun qərarına dünya futbolunun
ulduzları da biganə qalmayıblar. Məşhurlar sosial şəbəkələrdə yazdıqları
statuslarla Ronaldinyoya dəstək olublar.
Andrea Pirlo: "Ən yaxşılardan biri. Ronni, səninlə birgə oynamaq çox
xoş idi”.
Frenk Lemparad: "Necə bir oyunçu!
Ustalıq, stil, sürət və üzdə həmişə gülüş. Təqaüddə olmaqdan zövq al”.
Pele: "Sən hər kəsin üzünə gülüş bəxş edirdin. Arzulayıram ki,
həyatda qarşılaşdığın bütün maneələri də meydanda dəf etdiyin kimi dəf
edəsən”.
Neymar: "Onun meydandakı gülüşünü həmişə xatırlayacağam. Onun
futbolda qoyduğu irsi çətin ki, kimsə təkrarlasın”.
İker Kasilyas: "Sən mənə çox əzab veribsən. Ancaq bir azarkeş kimi
sənin oyunundan həmişə zövq almışam. Bu, əla idi”.
Lionel Messi: "Həmişə demişəm ki, çox şeyi səndən öyrənmişəm. Sənə
həmişə minnətdar olacağam. Şadam ki, bir çox xoş xatirələri səninlə birgə
bölüşmüşəm. Sən meydanda ulduz idin, həyatda əla insan. Əsas amil də budu.
Futbol sənin gülüşünü heç vaxt unutmayacaq, Ronaldinyo”.
Devid Bekhem: "Təqaüdə xoş gəldin, mənim dostum. Səninlə birgə, sənə
qarşı oynamaq, neçə güldüyünü görmək çox xoş idi”.
Ronaldinyo 20 illik karyerası ərzində PSJ, "Barselona”, "Milan” kimi
komandalarda çıxış edib. O, DÇ-2002-nin qalibi, ikiqat İspaniya çempionu,
Fransa çempionudur. Ronaldinyo
Çempionlar Liqasını qazanıb, "Qızıl top” mükafatına layiq görülüb.