Fuad Qəhrəmanlının qızı atasından imtina etdi - Fotolar
AXCP sədrinin müavini Fuad
Qəhrəmanlının qızı Selcan Yağmur ali təhsil almaq üçün xaricə getdikdən bir
neçə gün sonra atasını ifşa edən status paylaşıb. Əsasən ailə daxili
münasibətləri özündə əks etdirən statusda qeyd olunub ki, demokratiya libasına
bürünərək tribunalarda insan haqlarından, o cümlədən qadın hüquqlarından danışan
F.Qəhrəmanlı gerçəklikdə ailəsini daim qorxu içində yaşadıb, onlara
fiziki-mənəvi təzyiq göstərib, həyat yoldaşı Zümrüd Yağmurun barmaqlarını, qızının
dizini sındırıb, şiddətin xüsusi sadist növünü tətbiq edib, bir növ ailə
üzvləri ilə əsl cani kimi rəftar edib.
S.Yağmur bu həqiqətləri
yazmağı özünə sosial borc bildiyini vurğulayıb. Bildirib ki, atası F.Qəhrəmanlının
şiddəti ilə yanaşı, ayrıca iyrənc səbəbləri üzündən anası Z.Yağmurun ondan
boşanmaq istəməsinin qarşısını AXCP sədrinin müavini müəyyən əlaqələri
sayəsində, yüz cür təhdidlə, şantajla alıb, azadlıqdan danışan bu adam öz evində
cəhənnəm mühiti yaradıb. Gənc qız yazıb ki, anasının boşanmaq istəməsinin
qarşısını AXCP sədri Əli Kərimli, partiya üzvü Səadət Cahangir kimiləri müxtəlif
vasitələrlə alıblar, atası F.Qəhrəmanlının reputasiyasını düşünüblər, hətta
Z.Yağmuru psixoloji xəstə kimi qələmə veriblər. İddiaya görə, AXCP sədri Əli
Kərimli bu mövzuda Z.Yağmura söhbət etmək, yola gətirmək adı altında psixoloji
təzyiq göstərib.
Gənc qız S.Yağmur AXCP
sədri Ə.Kərimli, cəbhəçi S.Cahangir və F.Qəhrəmanlının timsalında bütünlüklə AXCP-nin
ikiüzlü, iyrənc bir yer olduğunu vurğulayıb. Onun yazdığına görə, Ə.Kərimli
evdə ailəsinə necə bir vəhşilik etdiyini hərfi-hərfinə bildiyi adamı – F.Qəhrəmanlını
sağ yanında saxlayır, üstəlik canini deyil, qurbanı qınayır ki, "siz düz
etmirsiniz", sonra da yığışıb hakimiyyətin insanları əzməyindən, ədalətdən
danışırlar. S.Yağmur ortadaki bu əxlaqsızlıqdan gözünün yaşardığını yazıb.
Bildirib ki, 2009-dan bəri hər gün şiddət, qan, təhdidlər, sınan sümüklər kimi tük
ürpərdən bir durumun içindədirlər. Onun qənaətincə, bütün bunlar ona görədir ki,
anası Z.Yağmur atası F.Qəhrəmanlının iki kateqoriyadaki iyrənc əməllərinə göz
yumsun və boşanmasın.
Lakin buna baxmayaraq,
artıq boşanma ərizəsinin verildiyini, bir neçə aya boşanmanın baş tutacağını
vurğulayan S.Yağmur doğma atasından imtina etdiyini bəyan edib. Qeyd edib ki, ailəsinə
şiddət tətbiq edən, qızının dizini sındırıb sonra da "anan danışmasaydı,
mən belə əsəbi olmazdım" deyə, heç bir şəkildə peşmançılıq yaşamayan, hələ
ailəsindən kənarda neçə-neçə iyrənc əməllərə imza atmış bir adamın adı, onun
adının üzərinə ola bilməz. Sonda qeyd edib ki, şəxsi profili oğurlanmayıb,
yazılanlar realdır və şəxsən özü tərəfindən yazılıb.
AXCP sədrinin müavini F.Qəhrəmanlı
qızının yazdıqlarından sonra "Facebook”da status paylaşaraq, S.Yağmurun şəxsi
profilinin ələ keçirildiyini, yazılanların reallığı əks etdirmədiyini iddia
edib. F.Qəhrəmanlının həyat yoldaşı Z.Yağmur isə mediaya açıqlamasında sona
qədər qızının yanında olduğunu bəyan edib.