Fransalı həmsədr: “Tərəflərin irəli getməyə istəyi var”
"Danışıqlar prosesi durğun nöqtədən tərpənib”. APA-nın məlumatına görə, bunuATƏT-in Minsk Qrupunun fransalı həmsədri Stefan Viskonti deyib. O bildirib ki, çərşənbə axşamı Azərbaycan prezidenti Parisdə fransalı həmkarı ilə görüşəcək.
Diplomat qeyd edib ki, ABŞ, Rusiya və Fransa birgə səylərini davam etdirəcək: "Əlbəttə, bu, asan məsələ deyil. Bildiyiniz kimi, təmas xəttində gərginlik var. Amma tərəflərin irəli getməyə istəyi var. Fikrimcə, bu, çox vacibdir”.