AZE | RUS | ENG |

“Fransada Azərbaycan Evinin fəaliyyəti ikitərəfli əlaqələrin genişlənməsinə öz töhfəsini verir”

“Fransada Azərbaycan Evinin fəaliyyəti ikitərəfli əlaqələrin genişlənməsinə öz töhfəsini verir”
İqtisadiyyat və sənaye naziri Şahin Mustafayev Bakıda səfərdə olan Fransanın “Thales Group” şirkətinin prezidenti və baş direktoru Jan Bernar Levi qəbul edib. İSN mətbuat xidmətindən “Kaspi”yə bildirilib ki, görüşdə nazir Ş.Mustafayev Azərbaycan və Fransa arasında iqtisadi əlaqələrin genişləndiyini, Fransız şirkətlərinin Azərbaycan iqtisadiyyatının müxtəlif sahələrində uğurla fəaliyyət göstərdiyini qeyd edib. Bildirilib ki, Fransada Azərbaycan Evinin fəaliyyəti ikitərəfli əlaqələrin genişlənməsinə öz töhfəsini verir.

Azərbaycan iqtisadiyyatı barədə məlumat verən Ş.Mustafayev müasir texnologiyaların və qabaqcıl təcrübənin ölkə iqtisadiyyatına cəlb edilməsinin prioritet istiqamətlərdən olduğunu qeyd edib, ölkəmizdə iş adamları üçün əlverişli biznes və investisiya mühitinin yaradıldığını diqqətə çatdırıb. Ş.Mustafayev fransalı iş adamlarını azərbaycanlı həmkarları ilə daha fəal əməkdaşlığa dəvət edib.

“Thales Group” şirkətinin prezidenti və baş direktoru Jan Bernar Levi ölkəmizə səfərindən məmnunluğunu ifadə edib, Azərbaycandakı iqtisadi inkişafın onda böyük təəssürat yaratdığını vurğulayıb. Təmsil etdiyi şirkətin fəaliyyəti barədə məlumat verən J.Levi qeyd edib ki, şirkət 50 ölkədə, o cümlədən Azərbaycanda fəaliyyət göstərir və bir sıra layihələri uğurla reallaşdırıb. J.Levi “Thales Group” şirkətinin Azərbaycanda fəaliyyətini daha da genişləndirməkdə maraqlı olduğunu diqqətə çatdırıb.

Görüşdə əməkdaşlığın genişləndirilməsi imkanları barədə fikir mübadiləsi aparılıb.

Rufik İSMAYILOV

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6308
GBP 1 İngilis funt sterlinqi 2.2029
TRY 1 Türk lirəsi 0.2991
KWD 1 Küveyt dinarı 5.6028
SEK 1 İsveç kronu 0.1885
EUR 1 Avro 1.9474
CHF 1 İsveçrə frankı 1.7062
USD 1 ABŞ dolları 1.7000