Bakı 20°C
Fransa: təhsil sahəsində 1800 iş yeri ləğv ediləcək
Fransanın təhsil naziri Jan-Mişel Blanke mətbuata müsahibəsində növbəti tədris ilindən təhsil sahəsində 1800 iş yerinin ləğv ediləcəyini bildirib. Bunlardan 400-ü inzibati işçi, 1400-ü isə kollec və lisey müəllimi olacaq.AZƏRTACxəbər verir ki, nazir iş yerlərinin ləğv edilməsi nəticəsində Təhsil Nazirliyi büdcəsinin ildə 850 milyon avro artacağını deyib.
Xatırladaq ki, cari ilin avqust ayında Baş nazir Eduard Filip 2019-cu ildə ölkədə dövlət qulluğu sahəsində 4500, 2020-ci ildə isə 10 000 iş yerinin ləğv ediləcəyini bildirmişdi.
