Fikrət Yusifov: “Bakı-Tibilisi-Qars dəmir yolunun istifadəyə verilməsi yaxın gələcəkdə Naxçıvanı blokadadan çıxaracaq”
"Bakı-Tibilisi-Qars dəmir yolu Azərbaycana kifayət qədər iqtisadi və siyasi dvidentlər gətirəcəkdir”. Bu barədə
"Kaspi”yə açıqlamasında "Ekonomiks” Beynəlxalq İqtisadi Araşdırmalar Birliyinin
rəhbəri, professor Fikrət Yusifov bildirib.
Sabiq maliyyə
naziri qeyd edib ki, bu yolun istifadəyə verilməsi eyni zamanda qədim ipək
yolunun orta xəttinin bərpa olunması deməkdir: "Yeni yol Şərqdən və Cənubdan Azərbaycan
üzərindən Qərbə və əksinə yüz milyonlarla ton yükün daşınmasına imkan
verəcəkdir. Bu isə öz
növbəsində ölkəmizə böyük həcmdə möhkəm valyutanın daxil olmasına gətirib
çıxaracaqdır. BTQ dəmir yolu kimi transmilli layihənin imkanlarından yararlana
bilməyəcək bir tək ölkə Ermənistan olacaqdır. Məkirli torpaq iddaları ilə
erməni xalqını bölgədə reallaşdırılan növbəti transmilli layihənin verə
biləcəyi dvidentlərdən məhrum edən siyasi hakimiyyətin iyrənc işğalçı siyasəti
Ermənistanı növbəti dəfə pis vəziyyətə saldı. Azərbaycan bu layihəni
reallaşdırmaqla öz siyasi çəkisini kifayət qədər artıra bildi. Yeni dəmir yolu
xəttinin istifadəyə verilməsi yaxın gələcəkdə Naxçıvanın blokadadan çıxması
demək olacaqdır”.