FİFA prezidenti nədən narahatdır?
FİFA prezidenti Canni Unfantino dünya futbolundakı problemlərlə bağlı
danışıb.
Kaspi.az xəbər verir ki, İnfantinonu narahat edən əsas məqam transfer
bazarının durumudu. O, transfer bazarında 6,4 milyard dolların dövr etməsinin
yaradacağı təhlükələrdən əndişələnir:
"Transfer əməliyyatlarının ümumi dövriyyəsi 6,4 milyard dollar təşkil
edib. Bu da dörd və ya beş il əvvəlkindən iki dəfə çoxdur. Sistemin yaxşı
işlədiyini söyləyə bilərik, çünki pul var, amma bu tendensiya narahatlıq
yaradır. Ona görə də FİFA hərəkət etməlidir.
Agentlərə və vasitəçilərə verilmiş komissiyalar da böyüyür. İndi bu
rəqəm 500 milyon dollara çatır. Bu, narahatlıq doğurur. Bir çox agent mənimlə
razıdır və bu məsələyə nəzarət olunmasını istəyirlər.
Hər kəs istədiyini edə bilər. Amma reallıq göstərir ki,
fırıldaqçılıq, korrupsiya, pulların yuyulması riski var. Bunu dövlət
orqanlarının tədqiqatları da sübut edir”.