Bakı 23°C
FİFA göstəriş verdi, onları gəlməyə məcbur edəcəklər
FİFA-nın ilin ən yaxşılarını mükafatlandırmaq üçün
keçirdiyi mərasimə Ronaldo ilə Messinin qatılmamağı hələ də müzakirə olunur.
Kaspi.az xəbər verir ki, FİFA da bu məsələ ilə
bağlı narahatlıq keçirir. Ali futbol qurumu bütün nominantların mərasimə
qatılması üçün yollar axtarır.
Məlumata görə, FİFA prezidenti Canni İnfantino
bununla bağlı təşkilatın hüquqşünaslarına göstəriş verib. O, hüquqşünaslardan tələb
edib ki, nominantların mükafatlandırma mərasiminə məcburi gəlməsi üçün çıxış
yolu tapsınlar.
Messi və Ronaldo FİFA-nın simvolik yığmasına düşüb.
Üstəlik, Ronaldo ilin ən yaxşı futbolçusu nominasiyasında ilk "üçlük”də olub.
Ancaq onların heç biri mükafatlandırma mərasimində iştirak etməyib.
