FİFA-dakı korrupsiya qalmaqalının əsas fiquru öldü
FİFA-da baş verən korrupsiya qalmaqalının əsas fiqurlarından hesab
olunan Çak Bleyzer ölüb.
Kaspi.az xəbər verir ki, FİFA-nın İcraiyyə Komitəsinin sabiq üzvü 72
yaşında dünyasını dəyişib. Bu barədə məlumatı onun vəkili Erik Kornqold verib.
Bleyzer xərçəng xəstəliyindən əziyyət çəkirmiş.
Çak FİFA İcraiyyə Komitəsini 2013-cü ildə tərk edib. O, KONKAKAF-da
işlədiyi zaman maliyyə maxinasiyalarında ittiham edilib. Bleyzer günahını
etiraf etmişdi və vergidən yayındığını da bildirmişdi. Buna görə də 1,9 milyon
dollar cərimə ödəmişdi.
Bleyzer etiraf etmişdi ki, FİFA İcraiyyə komitəsinin üzvləri DÇ-1998
və DÇ-2010-un ev sahibləri müəyyənləşərkən, rüşvət alıblar.
O, 2015-ci ildə futbol sahəsində işləməkdən ömürlük məhrum
edilmişdi.