FİFA araşdırmanı yekunlaşdırdı
FİFA Pol Poqbanın "Yuventus”dan "Mançester Yunayted”ə transferi ilə
bağlı apardığı araşdırmanı yekunlaşdırıb.
Kaspi.az xəbər verir ki, FİFA-nın bu məsələ ilə bağlı "Yuve”yə heç
bir iradı yoxdur. Bu barədə klubun prezidenti Andrea Anyelli məlumat verib:
"FİFA-nın araşdırması başa çatıb. Bizə qarşı heç bir irad yoxdu.
"Yuventus” bu məsələ ilə bağlı tam bəraət alıb”.
MY Poqbanın transferi üçün 105 milyon avro ödəyib. Ancaq "Football
Leaks” portalı məlumat yaymışdı ki, transfer üçün 127 milyon avro ödənilib.
Bu məbləğin 49 milyonunun futbolçunun agenti Mino Rayolaya çatdığı
deyilirdi.
FİFA may ayında məsələ ilə bağlı araşdırmaya başlamışdı.