FİDE-də yeni prezident
Beynəlxalq Şahmat Federasiyasında (FİDE) prezident
seçkiləri keçirilib.
Kaspi.az xəbər verir ki, FİDE-də Kirsan İlyumjinov
erası başa çatıb. Təşkilatın yeni prezidenti də rusiyalı olub.
Rusiyanın baş nazirinin sabiq müavini Arkadi
Dvorkoviç beynəlxalq şahmat federasiyasının yeni prezidenti seçilib.
Onun namizədliyini 103 nəfər dəstəkləyib. FİDE-nin
vitse-prezidenti Georgias Makropulosa isə 78 nəfər səs verib. İngilis Naycl
Şort isə səsvermədən əvvəl namizədliyini Dvorkoviçin xeyrinə geri götürüb.
Kirsan İlyumjinov FİDE-yə 1995-ci ildən başçılıq
edirdi.