“Fermer olmaq istəyirəm”
"İRƏLİ” İctimai Birliyinin
təşkilatçılığı ilə gənclərin maarifləndirilməsi,
habelə onların sahibkarlıq bacarıqlarının artırılması, məşğulluğunu təmin etmək , kənd gənclərinin təsərrüfatçılığa
sövq edilməsi, kənd təsərrüfatı üçün olan innovasiyalar haqqında məlumatlandırılması,
onların aqrar sahəyə marağının artırılması məqsədi ilə Masallı, Lənkəran və Cəlilabad
rayonlarında "Fermer olmaq istəyirəm” layihəsini həyata keçirdi. Layihədə 16-29 yaş arası, ümumi 100 nəfərdən
çox Masallı, Lənkəran, Cəlilabad
rayonlarından olan gənclərlə yanaşı, Azərbaycanın müxtəlif regionlarında
yaşayan gənclər də iştirak ediblər. Fermer olmaq istəyirəm” layihəsinin əsas məqsədi
kənd təsərrüfatı ilə məşğul olmaq istəyən
gənclərin bu sahədə biliklərinin artırılması, gənclərin məşğulluq probleminin həlli,
onların aqrar sahəyə marağının artırılması, Sahibkarlığa Kömək Milli Fondu
haqqında məlumatlandırılması və güzəştli kredit üçün müraciətin qaydalarını öyrətməkdən
ibarət idi. Layihə çərçivəsində iştirakçılara bələdçi kitab, disklərdə elektron
məlumatlar verilib. Azərbaycan Milli Elmlər Akademiyasının Torpaqşünaslıq və Aqrokimya İnstitutunun əməkdaşaları
və almaniyalı ekspertlər tərəfindən "Kənd təsərrüfatı haqqında ilkin anlayışlar”,
"Suvarmanın növləri”, "Heyvandarlığın növləri”, "Əkinə yararlı torpaqları necə
müəyyən etməli”, "Hansı növ torpaqlarda hansı
kənd təsərrüfatı bitkiləri əkilməlidir?”, "Gübrələrin növləri”, "Torpağa
və bitkilərə aqrotexniki qulluğun qaydaları”, "Yeni texnika və texnologiyalar, onların
necə əldə edilməsi və təsərrüfata tətbiqi haqqında”, "Sahibkarlığa Kömək
Milli Fondu haqqında və ora necə müraciət etməli”, "Aqrar sahədə sahibkarlıq”,
"Kənd təsərrüfatı ilə məşğul olmağın üstünlükləri” və s. kimi mövzularda
görüşlər keçirilib, iştirakçılar ekspertlər tərəfindən məlumatlandırılıblar.