“Fənərbaxça“nın avtobusunda bomba axtarışı

"Fənərbaxça"nın Türkiyə superliqasında "Mersin İdmanyurdu"na 1:0 hesabı ilə qalib gəldiyi matçdan sonra klubun avtobusunda axtarış aparılıb.
“Qol.az”-ın məlumatına görə, avtobusda bomba olduğu xəbəri polisləri hərəkətə keçirib.
Xüsusi təlim görmüş itlərin vasitəsi ilə həyata keçirilən əməliyyatda heç nə tapılmayıb.
Klubun nümayəndəsi Mahmut Uslu məlumatı təsdiqləyib: "Axtarışın hansı səbəbdən aparıldığı haqda məlumatımız yoxdur. Onu polisdən soruşmaq lazımdır".