Bakı 14°C
“Fənər” onu istəyir, TFF icazə versə
"Ankaragücü” ilə
oyundan sonra (1:3) baş məşqçisi Filip Koku ilə yollarını ayıran "Fənərbaxça” rəhbərliyi
vaxt itirmədən yeni çalışdırıcının axtarışlarına başlayıb.
Kaspi.az xəbər
verir ki, İstanbul təmsilçinin baş məşqçi postuna ən real namizəd hazırda
Türkiyə millisinin "sükanı” arxasında olan Mirça Luçeskudur. Bu barədə məlumatı
Türkiyə mətbuatı yayıb.
"Fənərbaxça”nın
prezidenti Ali Koçun rumıniyalı mütəxəssis üçün Türkiyə Futbol Federasiyasından
(TFF) icazə istəyəcəyi bildirilir. Federasiya ilə razılıq əldə olunarsa,
Luçesku milli komandadakı vəzifəsindən istefa verib, "bülbüllər”in "sükanı
arxasına” keçəcək. 73 yaşlı mütəxəssisin bu məsələyə müsbət yanaşdığı
bildirilir.
2017-ci ildən
Türkiyə yığmasının baş məşqçisi olan Luçesku, 2000-2002-ci illərdə
"Qalatasaray”ın, 2002-2004-cü illərdə isə "Beşiktaş”ın baş məşqçisi olub.
