Əvvəl icarəyə götürmək istəyirlər, sonra isə...
"Bavariya” "Real”ın futbolçusu Xames Rodrigesi transfer etmək üçün
danışıqları davam etdirir.
Kaspi.az xəbər verir ki, "Bavariya” Xamesi, sonradan bütün hüquqlara
yiyələnməklə, 2 illik icarəyə götürmək niyyətindədir. Xames "Real”da
"Bavariya”nın hazırkı baş məşqçisi Karlo Ançelottinin rəhbərliyi altında
oynayıb.
Kolumbiyalı futbolçunu "Mançester Yunayted” də heyətində görmək
istəyir. Yarımmüdafiəçinin "Real”la qüvvədə olan müqaviləsi 2020-ci ilin
yayında başa çatır.
Bir müddət əvvəl məlumat yayılmışdı ki, Xames yaxın günlərdə "Real”ı
tərk edəcək. O, "Real”da 2014-cü ildən çıxış edir. Bu müddətdə 110 oyun keçirən
futbolçu, 36 qol vurub.