“Əvəzimdə kiminsə danışmasını sevmirəm”
"Çelsi”nin baş məşqçisi Antonio Konte haqqında yayılan söz-söhbətə
münasibət bildirib.
Kaspi.az xəbər verir ki, Kontenin yayda İtaliyaya qayıdacağı ilə
bağlı məlumat yayılmışdı. Məlumatı Kontenin dostu, italyan agent Federiko
Pastarello yaymışdı. Konte dostunun açıqlamasını təkzib edib:
"Əvəzimdə kiminsə danışmasını sevmirəm. Pastarello mənim dostumdu,
onu yaxşı tanıyıram. Kimsə mənim barəmdə nəsə bilmək istəyirsə, onda özümə
müraciət etməlidir.
"Çelsi” çempionluq uğrunda mübarizə aparır. Biz birlikdə bu hədəfə
çatmaq niyyətindəyik. Əlbəttə, mən növbəti mövsümdə də klubda işləməyə davam
edəcəyəm”.