Bakı 19°C
“Everton” Kumanı məhkəməyə verir
"Everton” sabiq
baş məşqçisi, hazırda Hollandiya yığmasını çalışdıran Ronald Kumanı məhkəməyə
verir.
Kaspi.az xəbər
verir ki, "Everton” rəhbərliyi Kumanı Hollandiya Futbol Federasiyası ilə
separat danışıqlarda ittiham edir. Məsələ burasındadı ki, Kuman "Everton”la müqavilə
bağlayarkən, illik 6 milyon avro məvacib alırdı.
Onun müqaviləsi
3 illik nəzərdə tutulmuşdu. Kuman istefaya göndəriləndə razılıq əldə olunmuşdu
ki, yeni iş yerindəki məvacibi "Everton”da aldığının 10 faizi həcmində olarsa,
klub qalan 90 faiz məvacibi ona ödəyəcək.
Maraqlıdı ki,
Kumanın Hollandiya yığmasında aldığı məvacib məhz "Everton”da qazandığının 10
faizi həcmindədir. "Everton” Kumana məvacibin 90 faizini ödəmək məcburiyyətindədir.
Klub bununla
bağlı məhkəməyə müraciət edib. Rəhbərlik hesab edir ki, Kuman Hollandiya
yığması ilə müqavilə bağlayarkən, federasiya ilə separat danışıqlara gedib.
