AZE | RUS | ENG |

“Evdən kiməsə pul göndəriləndə, bütün otaqda toy-bayram olurdu” - Tələbəlik illəri

“Evdən kiməsə pul göndəriləndə, bütün otaqda toy-bayram olurdu” - Tələbəlik illəri
Nəsib Quliyev: “İndiki “Sahil” metrosuna getdik və hərəmiz bir skamyada əyləşib imtahana hazırlaşdıq”

Məktəb illəri hər kəsin həyatında unudulmaz xatirələrlə doludur. Bəlkə də insanın ən şıltaq, dəcəl olduğu vaxtlardır.  Zaman keçdikcə həmin dövrdə etdiklərimizi xatırlayanda, üzümüzdə azda olsa, təbəssüm yaranırsa, demək ki, həmin  illər elə də sakit keçməyib. Sinif yoldaşlarımızla etdiyimiz zarafatlar, müəllimlərimizin bizə verdiyi cəzalar hamısı şirin bir xatirə olaraq yaddaşımıza həkk olunur.  Bu dəfə Azərbaycanın Baş pediatrı, tibb elmləri doktoru, professor Nəsib Quliyevlə məktəb illərindən danışdıq.

N.Quliyev universitet illərində yataqxanada başlarına gələn hadisəni unutmur. 1969-cu ilin sərt qışını indi xoş xatirə kimi xatırlayır: "Səhv etmirəmsə, 1969-cu ilin qışı idi, çox sərt keçirdi. Yataqxanada da şərait ürəkaçan deyildi. Bir gecəni səhərə kimi hamımız ədyala bükülüb oturduq. İmtahan vaxtı idi. Bu vəziyyətdə imtahana hazırlaşa bilməzdik. Qərara gəldik ki, səhər tezdən durub metro stansiyalarından birinə gedək və orada həm canımız qızsın, həm də imtahana hazırlaşaq. Beş nəfər indiki "Sahil” metrosuna getdik və hərəmiz bir skamyada əyləşib əlimizdə kitab imtahana hazırlaşdıq. Oradan qayıdanda artıq gecə 12-yə qalmışdı. Gec olduğundan marşrut da yox idi və keçmiş İnqilab küçəsinə - yataqxanamıza piyada gəldik. Bakıxanov küçəsini keçəndə otaq yoldaşlarımızdan İbrahim donduğundan şikayətləndi. Biz işıq olan yerə yaxınlaşanda gördük ki, həqiqətən də qulağının biri tamamilə ağarıb, don vurub. Bizdən böyük otaq yoldaşımızın məsləhəti ilə İbrahimin qulaqlarını ovxalaya-ovxalaya gəlib yataqxanaya çıxdıq”.

Müsahibimiz deyir ki, tələbəlik illərində ən maraqlı günləri elə yataqxanada keçib: "Otaqda 7 nəfər idik. Hər gün tələbələrdən biri yır-yığış, bazarlıq edir və yemək işlərinə baxırdı. Hər kəs də çalışırdı ki, bişirdiyi yeməyi otaq yoldaşları bəyənsin. Əlimin dadına görə, mən ikinci yerdə idim. Otaqda tez-tez bişirilən xörək isə kartof qızartması və mal əti konservi idi. Üçüncü kursa qədər maddi baxımdan çox çətinlik çəkirdik və bir-birimizdən təqaüdə qədər borc alırdıq. Evdən kiməsə pul göndəriləndə isə bütün otaqda toy-bayram olurdu. Çünki bilirdik ki, həmin adam gedib yaxşı bazarlıq edəcək. Hətta, kartofu da doyunca yeyəcəyik, üstəlik, yanında toyuq əti də olacaq”.
 
Aygün Əziz


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9267
GEL 1 1 Gürcüstan larisi 0.6343
GBP 1 1 İngiltərə funt sterlinqi 2.1743
IRR 100 100 İran rialı 0.0040
SEK 1 1 İsveç kronu 0.1877
CHF 1 1 İsveçrə frankı 1.6884
KWD 1 1 Küveyt dinarı 5.5875
TRY 1 1 Türkiyə lirəsi 0.3163