Ermənilər hər zaman Azərbaycanla hansısa bir dövlət arasında
münasibətlərin inkişaf etdiyi bir məqamda öz "maşa”ları vasitəsilə prosesi
əngəlləməyə çalışırlar. Bilərəkdən atılan bu addımın növbəti hədəfi isə
Azərbaycan və Rusiya münasibətləridir. Heç şübhəsiz, təkcə bu il ərzində
Azərbaycan və Rusiya dövlət başçılarının çoxsaylı görüşləri iki ölkə arasında
əlaqələrin yeni mərhələsinin başlanğıcını qoyub. Amma erməni lobbisi və
diasporu heç də öz "qara əlləri”ni dinc saxlamır.
Məhz ermənilərin "dostu” olan Rusiya Dövlət Dumasının MDB ölkələri,
Avrasiya inteqrasiyası və soydaşlarla əlaqələr üzrə komitəsinin sədr müavini
Konstantin Zatulin Rusiyanın ruposters.ru saytına Azərbaycan prezidenti İlham
Əliyevlə Ermənistanın baş naziri Nikol Paşinyan arasında təmas xəttində
gərginliyin aradan qaldırılması yolları haqqında Düşənbədə əldə olunmuş şifahi
razılaşmaya münasibət bildirərkən bir sıra qərəzli fikirlər səsləndirib. Dəfələrlə
Azərbaycanın işğal olunmuş ərazilərində səfərdə olan, hətta qondarma rejimin "seçkilər”ində
iştirak edən Zatulinin həqiqətə sığmayan fikirlərinin arxasında nə dayanır?
Mövzu ilə bağlı "Kaspi” qəzetinə açıqlamasında Milli Dirçəliş Hərəkatı Partiyasının sədri, millət vəkili Fərəc Quliyevbildirdi ki, Zatulinin belə açıqlamaları bir neçə səbəblə bağlıdır: "Birincisi
onun şəxsiyyəti ilə əlaqədardır. Zatulinin Azərbaycanla bağlı mütəmadi olaraq
mövqeyi bundan ibarətdir. Digər bir səbəb isə onun ermənipərəst mövqeyi ilə
bağlıdır. Zatulin əvvəlki illərdə qondarma rejimin "seçkilər”ində də iştirak
etmişdi. Bir neçə dəfə də Azərbaycan əleyhinə sərsəm bəyanatlarla çıxış edib.
Eyni zamanda biz hər zaman deyirik ki, Rusiyada bəzi məmurlar var ki, iki ölkə
arasında münasibətlərin yaxşılaşmasını istəyirlər. Amma bir sıra insanlar da
var ki, Azərbaycan-Rusiya əlaqələrinin sahmana düşməsini istəmirlər. Məhz
Zatulin iki ölkə arasında əlaqələrin sahmana düşməsini istəməyənlərdən biridir
və erməni lobbisinin əlində alətdir. Amma bütövlükdə məsələnin başqa bir tərəfi
var. Dağlıq Qarabağ məsələsi Rusiyanın layihəsidir və biz bunu dana bilmərik.
Bu problemin başında Rusiya dayanır. Bu gün Ermənistanın "at oynatması”, işğal
olunmuş Azərbaycan ərazilərindən çıxmaması Rusiya ilə bağlıdır. Göründüyü kimi,
bu məsələdə Rusiyanın institutlaşmış siyasəti var və bu da təbii ki, nə
ermənilərdən, nə də başqasında asılıdır. Ermənilər istəsə belə, hər hansı
fərqli qərar verə bilməzlər. Zatulin də bunu bilir və həssas məqamlarda
ermənilərin yanında yerini bərkitmək üçün belə bəyanatlarla çıxış edir”.
F.Quliyev əlavə etdi ki, indi həssas dövrdür və dəyişməyən yalnız ölülərdir:
"Siyasət də dəyişə bilər. Hər zaman qeyd etdiyim kimi, biz Rusiya xalqı ilə
düşmən deyilik, amma bu ölkənin siyasəti ilə uzlaşmırıq. Biz partiya olaraq,
ermənilərə dəstək olması, silah yardımı etməsi və digər məsələlərdə köməklik göstərməsi
ilə bağlı Rusiyanın mövqeyi ilə barışmırıq. Amma bu gün gerçəkdən Rusiya siyasəti
dəyişərsə və bərabər tərəfli mövqe sərgilənərsə, onda biz də məsələyə fərqli
baxarıq. Azərbaycana olan münasibət də bizim mövqeyimizi formalaşdırır. Lakin
Zatulin kimilər bu dəyişikliyi hiss edəndə narahat olurlarsa, bu o deməkdir ki,
ermənilər Azərbaycanın ATƏT-in Minsk qrupunda iştirak edən dövlətlərlə və
Rusiya ilə münasibətlərinin normallaşmasının tərəfdarı deyillər. Hətta bu tip
bəyanatlarla çalışırlar ki, Azərbaycanı Rusiyaya qarşı daha aqressiv davranmağa
sövq etsinlər. Yaxud da ki, Rusiyaya etibar itsin. Çünki ermənilər Dağlıq
Qarabağ məsələsində status-kvonu saxlamaq istəyirlər. Əslində, bu mövqe erməni
mətbəxində "bişmiş yeməkdir” və Zatulin onu cəmiyyətə yedizdirmək istəyir. Eyni
məqam Fransa ilə də bağlıdır. Ermənilər eşidir ki, Fransa-Azərbaycan əlaqələri
istiləşməyə doğru gedir, dərhal Fransanın hansısa şəhərinin meri qondarma
rejimə səfər edir və müqavilə imzalanır. Piramidanın görünən hissəsini
götürsək, Zatulin Rusiyanın institutlaşmış siyasətini bilir, ancaq çalışır ki,
Azərbaycanla hər hansı istiləşmə olmasın”.
Millət vəkili Aydın
Hüseynov bildirdi ki, Rusiya Dövlət Dumasının MDB işləri və həmvətənlərlə
əlaqələr üzrə komitəsinin sədr müavini Konstantin Zatulinin Azərbaycanla bağlı
qərəzli fikirləri onun Azərbaycan-Rusiya münasibətlərinin inkişaf etməsindən
narahat olduğunu göstərir. Onun sözlərinə görə, Zatulinin Ermənistan və erməni
lobbi dairələrinin əlində bir alət olduğu hər kəsə məlumdur: "Görünür,
Azərbaycanla Rusiya arasında son dövrlərdə əlaqələrin inkişafı, dövlət
başçılarının qarşılıqlı səfərləri və bu səfərlər çərçivəsində iki ölkə arasında
müxtəlif sahələrdə əməkdaşlığın inkişafına dair imzalanan sənədlər həm
erməniləri, həm də Zatulini ciddi narahat edib və o yenə də ermənilərin sifarişini
yerinə yetirir”.
A.Hüseynov qeyd etdi ki, K.Zatulin bir siyasətçi, dövlət adamı kimi
bu cür qərəzli fikirlərinin Rusiyanın dövlət siyasətinə tamamilə zidd olduğunu
anlamır: "Zatulin həmişə separatçılığa, işğalçılığa dəstək verən mövqeyi ilə
tanınıb. 2010-cu ildə Azərbaycanın işğal olunmuş ərazilərində yaradılmış
qondarma rejimin seçki şousuna qatıldığı üçün Azərbaycan tərəfindən
"arzuolunmaz şəxs" elan edildi. Təsadüfi deyil ki, bundan əvvəl də o,
millətlərarası münasibətləri qızışdırdığına görə 2006-cı ildə Ukrayna
tərəfindən "arzuolunmaz şəxs" elan edilib.
Zatulin kimilərinin fikirləri Azərbaycanla Rusiya arasında əlaqələrin
inkişafına heç bir təsir göstərmək gücündə deyil. İndiyə qədər Zatulinin
ermənipərəst mövqeyi heç bir təsirə malik olmayıb. Düşünürəm ki, bundan sonra
da Zatulin və onun arxasında dayanan ermənilər heç nəyə nail ola bilməyəcəklər,
Azərbaycan və Rusiya arasında əməkdaşlığın hərtərəfli inkişafından narahatlıq
və məyusluqları daha da artacaq”.
Bakı 21°C
