Erməni cəmiyyətinin ümidsizliyi və etirafları
"Cavan oğlanlarımız
qırılır, bu..."
Bir aya yaxındır ki, dünyanın diqqəti Cənubi Qafqaza, daha dəqiq
desək, Azərbaycanın apardığı azadlıq mübarizəsinə yönəlib. Türk mediasının
"Azadlıq müharibəsi” adlandırdığı hərbi əməliyyatlar müzəffər ordumuzun
qalibiyyəti ilə davam edir. Şanlı ordumuz şəhərləri, kəndləri azad edir,
insanların 30 illik yurd həsrətinə son qoyur. Hərbi əməliyyatlar zəfərlərlə
yanaşı, bir çox məsələlərə də aydınlıq gətirmiş oldu. İlk növbədə uğursuzluqlar
erməni cəmiyyətində xaos, ümidsizlik və bədbinlik hallarını artırmış oldu.
Hətta iş o yerə çatıb ki, hər kəs erməni diplomatiyasının uğursuzluğundan açıq
şəkildə danışır. Onlardan bəzilərinə nəzərə salaq. Məsələn, xarici işlər
nazirinin keçmiş müavini Arman Navasardyanın səsləndirdiyi etiraf erməni
cəmiyyətində şok effekti doğurub. O bildirib ki, 30 il ərzində ermənilər
Qarabağ münaqişəsi ilə bağlı öz həqiqətlərini dünyaya çatdıra bilmədilər. Keçmiş
erməni məmuru da "beynəlxalq hüquq müdafiə təşkilatlarının Qarabağda indiki
müharibə məsələsində praktiki olaraq, fəaliyyət göstərmədiklərindən və yalnız
ümumi bəyanatlarla, sülhə çağırışlarla kifayətləndiklərindən” şikayətlənib.
A.Navasardyanın fikrincə, bütün bunlarda erməni diplomatiyasının da səhvləri
var. Faşist təfəkkürlü keçmiş diplomat etirafında "unudur” ki, işğalçı dövlət
uğursuzluğunu tək diplomatiyada deyil, öz faşist mahiyyətində axtarmalıdır. Başqa
bir erməni ekspert, faşist təfəkkürlü Semyon Baqdasarov isə ermənilərin
məğlubiyyətini Rusiyanın rolunu lazımı şəkildə qiymətləndirməməkdə görür. Bildirir
ki, bununla bağlı vaxtilə çox deyib, ancaq ona qulaq asan olmayıb. Nəticədə,
belə bir acınacaqlı vəziyyət yarandı. Bundan əlavə, erməni cəmiyyətində bütün
bəlaların kökünü hazırkı hakimiyyətdə görənlərin də sayı durmadan artır.
Məsələn, Paşinyan və yaxud ailə üzvlərinin səsləndirdikləri hər hansı bir fikir
cəmiyyətdə qıcıq yaradır. Paşinyanın xanımı "sülh göyərçini” Anna Akopyanın "vətənpərvər”
ruha hesablanmış fikirləri erməni cəmiyyətində ciddi narazılıqla qarşılanıb. O,
ərinin uğursuz şəkildə rəhbərlik etdiyi erməni ordusundakı itkiləri doldurmaq
üçün xalqa çağırış edib. Anna yazıb: "Əziz erməni kişiləri, cəbhəyə doğru
tələsin. Dünyaya ermənilərin nələrə qadir olduğunu göstərməyin vaxtı çatıb”. Müxalif
erməni saytları bu cür şablon, "vətənpərvər” çağırışlardan çox, ortaya real,
uğurlu iş qoymağı vacib sayıblar. Akopyanın sözlərini onun hərbi formadakı
fotoları ilə paylaşan məşhur ermənisosial şəbəkə səhifələrindən birində
təhqir və ağır ittihamlarla dolu geniş müzakirələr açılıb. Şərhlərdə daha çox
Sorosun əlaltısı kimi təqdim edilən Paşinyanın ailəsinə nəzarəti itirdiyi qeyd
edilir. Daha çox diqqət çəkən məqam isə şərhlərdəki Nikola aid karikaturalar yüzlərlə
bəyənmənin gəlməsidir. Bu cür təhqirlərlə öz aqressiyasını bildirən xeyli sayda
erməni Paşinyanın özünün və komandasının ön cəbhədə olmasını vacib sayıb. Akopyana
gələn etiraz şərhlərinin bir neçəsinə baxaq. Armen Aramyanadlı istifadəçi
Ermənistan hökumətinin nazir və məmurlarının fotokollajını paylaşaraq qeyd edir
ki, əvvəlcə döyüşə Sorosun erməni komandasını göndərin.
Anaida Koryanadlı
istifadəçi isə yazır ki, Paşinyanın arvadının müharibə çağırışları yersizdir,
onun döyüşlər, müharibə haqqında anlayışı belə yoxdur: "Biz erməni qadınları
hazırda baş verənləri böyük ağrı ilə izləyirik. İtirdiyimiz kişilər geri
dönməyəcəklər, hamısı da həyat təcrübəsi olmayan azyaşlı oğlanlardır”.
Arusyak
Şahverdiyan yazıb:"Anna xanım, sizdən xahiş edirik, ərinizə təsir edin, vəzifədən
getsin. Bəlkə də yaxşı rəhbər deyilsiniz, imkan verin bu işləri bacaranlar
gəlsinlər. Cavan oğlanlarımız qırılır, bu, ağır günahdır!” Şərhlərin
əksəriyyəti gənclərin kütləvi şəkildə qırılmaları ilə bağlı olsa da, bəziləri
erməni cəmiyyətini bu hala düşməsinin səbəbini axtarıb.Sveta
Martirosyanqeyd edib ki, sosial şəbəkələrdə bir-birinizi qırmaqdan
utanmırsınızmı? Bu cür ittihamlarla, söz davaları ilə azərbaycanlıları
sevindirmiş olursunuz. Hamımız silaha sarılmalıyıq, yoxsa vətənimizin sonu
gələcək.
Xatırladaq ki, bu, Paşinyan ailəsinin sosial şəbəkələrdəki ilk qıcıq yaradan
paylaşımı deyil. Nikolun qızı da özünün "Facebook” səhifəsində pessimist
paylaşım etməsi ilə qınaq obyekti olmuşdu. O, erməni əsgərləri ilə bağlı
xəyallarının puç olduğunu yazmışdı.
Erməni ictimai xadim Hraç Cabrayan yazır: "Hörmətli hakimiyyət.
Hörmətli baş nazir, sadəcə, dürüst olun və bizə deyin, nə qədər qurbanımız var
və nə qədər ərazi itirmişik? Bu, bütün ermənilər üçün düşmənin neçə tankını
vurduğumuzdan və ya ölmüş neçə meyitin olduğundan daha vacibdir. Kor dəstənizin
biz daşnakları xain adlandırmasına baxmayaraq, biz vətən naminə sizin yanınızda
sona qədər mübarizə aparacağıq”. Sosial
şəbəkələrin erməni seqmentindən məlum olur ki, ermənilər təşviş içindədir.
Onlar Paşinyanın istefasını tələb edir, Ermənistan MN-in mətbuat katibi Şuşan
Stepanyanın yaydığı məlumata skeptik yanaşır və itkilərin açıqlanmamasına
biganə qalmırlar. Öz növbəsində erməni politoloq Qaqik Hambaryan Ermənistanın
hazırkı vəziyyətinə görə Paşinyanı cavabdeh hesab edib. "Nikol Paşinyan, bu gün
cavabdeh sizsiniz, siz danışıqlara təmiz kağızdan başlamağa çalışıbsınız”, -
deyə Hambaryan qeyd edib.
Yeri gəlmişkən, erməni mediası bu qədər ağır bir dövrdə Paşinyan
hakimiyyətinin müxalifəti hədəfə almasını qabardır. Məsələn, erməni müxalif
siyasi şərhçi Menua Harutyunyan bu yaxınlarda bildiriş alıb və orduya
çağırılıb. Bu fakt bir sıra epizodlarla təəccüblüdür. Erməni KİV-ləri yazır ki,
Harutyunyan hərbi xidmət keçməyib və bəlkə də qoşunların ehtiyatında olmamalı
idi, yaxud bu, onun orduya çağırılması məsələsində əngəl olmasa belə, hərbi
xidmət keçməmiş 40 yaşlı bir şəxs hərbi baxımdan faydalı ola bilməz, özü də
təbiətinə görə 90-cı illərdən əhəmiyyətli dərəcədə fərqlənən və əsasən
texnoloji mübarizə olan bu müharibədə.
Lakin ən diqqətçəkən məqam odur ki, Menua bu müharibə günlərində hakimiyyətə və
xüsusən də Paşinyana yönəlmiş kəskin tənqidlə çıxış etdiyi son mətbuat
konfransından sonra bildiriş alıb. O bildirib ki, baş nazirin oğlu həqiqətən də
sərhədə çağırılıbsa, bunu faktlarla ictimaiyyətə sübut etməlidirlər. Üstündən
az keçməmiş hakimiyyət onu cəzalandırmaq qərarına gəlib.
Beləliklə, erməni cəmiyyəti xaos və başıpozuq vəziyyətdə çabalayır.
Ən ağır olan odur ki, bu xalq hələ də düşdüyü vəziyyətin ağırlığını anlamır.
Başa düşmür ki, belə bir vəziyyət onların bir xalq kimi yer üzündən silinməsi
ilə nəticələnə bilər və hələ ki, gec deyil qəflət yuxusundan ayılmaq vaxtıdır.
Azər NURİYEV