Bakı 14°C
Ərəblərlə oyunda ruslara ukraynalı kömək edib
DÇ-2018-in açılış oyununda – Səudiyyə Ərəbistanı ilə qarşılaşmada
Rusiyaya Ukrayna yığmasının baş məşqçisi Andrey Şevçenko kömək edib.
Kaspi.az xəbər verir ki, bu barədə məlumatı Rusiya yığmasının baş
məşqçisi Stanislav Çerçesov verib. Ukrayna yığması DÇ ərəfəsində Səudiyyə
Ərəbistanı ilə yoxlama görüşü keçirib. Bunu nəzərə alan Çerçesov taktiki
məlumatlar almaq üçün Şevçenkoya müraciət edib:
"Andrey Şevçenkoya minnətdarlığımı bildirmək istəyirəm. O, Səudiyyə
Ərəbistanı ilə oyundan əvvəl bizə məsləhətlərini verdi.
Ukrayna Səudiyyə Ərəbistanı ilə yoxlama görüşü keçirdikdən sonra
Şevçenko ilə zəngləşdik. O, ərəblərin taktiki hazırlığı ilə bağlı bir neçə
nüans barədə mənə məlumat verdi ki, sonradan bu informasiya işimizə çox
yaradı”.
Rusiya DÇ-2018-in açılış oyununda Səudiyyə Ərəbistanına 5:0 hesabı
ilə qalib gəlib.
