Ərdoğan-Putin görüşündə pozitiv nəticələr
Türkiyə prezidenti Rəcəb Tayyip Ərdoğan və onun rusiyalı həmkarı
Vladimir Putin arasında Ankarada keçirilən danışıqlarda gözlənildiyi kimi, kürd
referendumu və Suriya məsələsi prioritet olub. Rəsmi Ankara referendumla bağlı
uzun müddət idi ki, neytrallıq nümayiş etdirən Rusiyanın mövqeyini dəyişdirməyə
müvəffəq olub. Rəsmi Moskva bəyan edib ki, İraqın suverenliyini tanıyır və kürd
referendumuna qarşıdır. 1,5 saatdan çox davam edən danışıqlar Beştəpədəki
prezident iqamətgahında keçirilib. Rusiya lideri İraq Kürd Regional
Rəhbərliyinin bazar ertəsi günü keçirdiyi referendumla əlaqədar Rusiya Xarici
İşlər Nazirliyinin bəyanatındakı: "İraqın ərazi bütövlüyünün tərəfdarıyıq”
cümləsini təkrarlayıb. "Sözsüz, İraqın kürd muxtariyyətində keçirilən
müstəqillik referendumu ilə bağlı son vəziyyəti də müzakirə etdik. Rusiyanın
prinsipial mövqeyi bəllidir – bu mövqe Rusiya XİN-nin bəyanatında öz əksini tapıb.
Bu gün biz cənab prezidentlə bu barədə ətraflı danışdıq”, - deyə Putin qeyd
edib.O, əlavə edib ki, "Suriyaya dair razılaşmaların əldə olunması –
Rusiya və Türkiyənin ümumi uğurudur, bu ölkədə müharibənin dayandırılması üçün,
faktiki olaraq, artıq lazımi şərait yaradılıb. V. Putin türkiyəli həmkarı ilə
Ankarada keçirdiyi danışıqlardan sonra bildirib:"Çətinliklərə
baxmayaraq, biz müsbət nəticə əldə edə bilmişik.Hesab edirəm ki, bu
razılaşmalar bizim ümumi, çox mühüm uğurumuzdur. Bu, həm də dostumuz cənab
Ərdoğanın uğurudur”. V.Putin qeyd edib ki, terrorçuların məhv edilməsi və
suriyalıların dinc həyata qayıtması yalnız region üçün deyil, bütün dünya üçün
prinsipial məsələdir.Türkiyə və Rusiya liderləri Suriyadakı böhranın
nizamlanması üçün XİN, Müdafiə Nazirliyi və xüsusi xidmət
orqanlarınınxətti ilə əməkdaşlığın davam etdirilməsinə dair razılığa
gəliblər.
Birgə mətbuat konfransında Rəcəb Tayyib Ərdoğan Suriya və İraqın
ərazi bütövlüyü məsələsində Rusiya ilə həmfikir olduqlarını deyib, İraq Kürd Regional
Rəhbərliyinin bütün xəbərdarlıqlara məhəl qoymayaraq, qeyri-qanuni referendumu
keçirməsini yada salıb, daha böyük səhvlərin qarşısının alınmasının vacibliyini
qeyd edib. "Suriyavəİraqı müzakirə etdik.İraq və Suriyanın
ərazi bütövlüyünün qorunmasının vacibliyi məsələsində həmfikir olduq. Bu
referendumun heç bir qanuniliyi yoxdur. Şimaliİraqrəhbərliyi böyük
səhvə yol verib. Heç kimin bizim regionu alovlandırmağa haqqı yoxdur”, - deyə
Ərdoğan jurnalistlərə bildirib.
O, əlavə edib ki, "Suriya ixtilafının siyasi yolla həllində birgə
iradəmizi yenidən ortaya qoyduq. İstər İraq, istərsə də Suriya mövzusunda
həmfikirik. Beynəlxalq birlik də İraqın ərazi bütövlüyündən yanadır. Dostum
Putinlə görüşün məhsuldar keçdiyinə inanıram”.
Ərdoğan Putin ilə Suriyanın İdlib şəhərində yaradılan deskalasiya
zonalarındakı toqquşmalardan da danışdıqlarını, Suriya böhranının siyasi həlli
yolunda əməkdaşlığı davam etdirmək məsələsində razılığa gəldiklərini söyləyib.
"İraq Kürd Muxtariyyətinin müstəqillik referendumu barəsində
Ərdoğanla Putin arasında önəmli fikir ayrılığı yoxdur”.
Bu sözləri Kremlin sözçüsü Dmitri Peskov jurnalistlərə açıqlamasında
deyib. "Nə üçün fikir ayrılığı olsun? Xeyr, fikir ayrılığı yoxdur. Bundan
əlavə, kənd təsərrüfatı məhsulları ilə bağlı danışıqlar oldu. Pomidor idxalı
ilə bağlı problemlərin olduğunu bilirsiniz. Bununla bağlı müzakirələr davam
edir. Hər iki ölkənin Kənd Təsərrüfatı nazirlikləri davamlı olaraq
əlaqədədirlər”, - deyə Peskov bildirib.
Bir faktı da qeyd edək ki, Moskvanın kürd məsələsi, bütövlükdə
kürdlərə qarşı mövqeyi hamıya bəllidir. Kreml hər zaman kürdlərə isti
münasibəti ilə seçilib. Hətta münasibətlərin gərgin olduğu vaxt Moskvada
kürdlərin nümayəndəliyini də açmışdı. Bəzi kremlyönümlü ekspertlər isə hesab
edir ki, indi vəziyyət fərqlidir, bu isti münasibət Moskva ilə Ankara arasında
problemlərə yol aça bilər. "Sivilizasiyaların dialoqu” tədqiqat institutunun
direktoru Aleksey Malaşenko hesab edir ki, Rusiya üçün sözsüz ki, Türkiyə daha
əhəmiyyətlidir və referendumu da dəstəkləyə bilməz.
Yeri gəlmişkən, liderlər tək siyasi deyil, iqtisadi, ticarət və
enerji sahəsində də müzakirələr aparıblar. Rusiya prezidenti qısa zaman
kəsiyində Türkiyədə ilk atom enerji blokunun işə salınacağını da bildirib. V.Putin
ilin ilk 7 ayında ikitərəfli ticarət həcmindəki artımdan danışıb, bu il
Türkiyəyə gələn rus turistlərinin sayının 11 dəfə artaraq 2.5 milyonu
keçdiyinə diqqət çəkib. "Nəticə odur ki, Türkiyədən ixrac 57 faiz artıb”, -
deyə V.Putin bəyan edib. Bundan başqa, prezidentlər Rusiyanın "S-400” zenit-raket kompleksinin
Türkiyəyə tədarük edilməsini də müzakirə ediblər. Rusiya lideri bildirib ki, "iki
ölkə olaraq şura toplantılarına böyük önəm veririk. Nazirlərimiz mütəmadi
görüşürlər”. Türkiyə prezidenti bildirib ki, ölkələrarası önəmli əlaqələrdən
biri də energetika sahəsini əhatə edir: "Türk axını” və "Akkuyu” nüvə
stansiyası ilə bağlı danışıqlar davam edir. Türkiyə Rusiya ilə birgə
reallaşdırdığı "Akkuyu” AES və "Türk axını” qaz borusu enerji layihələrinin
icrasını sürətləndirməyə hazırdır”.
Ərdoğan bu iki sektora aid rəqəmlərdə ilin ilk 7 ayında böyümə
müşahidə olunduğunu qeyd edib,"Türk Axını” və Akkuyu Atom Elektrik
Stansiyası kimi enerji layihələrində olan bəzi axsamaların da qısa zamanda
aradan qaldırılacağını vurğulayıb. Prezidentlər Rusiyaya Türkiyədən pomidor
ixracı məsələsini də müzakirə ediblər. V.Putin bildirib ki, nazirlik və müvafiq
idarələrin sürətli işi nəticəsində bu sahədə bütün problemləri aradan qaldırılıb.
Azər NURİYEV