• cümə, 29 Mart, 13:23
  • Baku Bakı 14°C

Rəcəb Tayyib Ərdoğan: Əlaqələrimizi bir addım da inkişaf etdiririk

20.10.18 09:07 347
Rəcəb Tayyib Ərdoğan: Əlaqələrimizi bir addım da inkişaf etdiririk
"Star” neft emalı zavodunun açılışı ilə dünyaya örnək olan əlaqələrimizi bir addım da inkişaf etdiririk. Azərbaycan ilə əlaqələrimizi təkcə cəsarət, təkcə siyasət miqyasında deyil, güclü iqtisadi çərçivədə davam etdiririk. Bu müəssisə enerji sahəsində həmrəyliyimizi gücləndirmək üçün uzun müddət gördüyümüz işlərin ən mühüm və konkret örnəklərindən biridir. Daha əvvəl Bakı-Tbilisi-Ceyhan neft boru kəməri və Bakı-Tbilisi-Ərzurum təbii qaz boru kəməri layihələrini həyata keçirmişdik. Bu ilin iyununda hər biri xüsusi əhəmiyyətə malik bu strateji layihələrə regional və qlobal miqyasda nüfuza sahib olacaq TANAP-ı da əlavə etdik.
AZƏRTACxəbər verir ki, bu fikirləri Prezident Rəcəb Tayyib Ərdoğan İzmirdə "Star” neft emalı zavodunun açılış mərasimində söyləyib.
Türkiyə Prezidenti deyib: "İndi açılışını etdiyimiz "Star” neft emalı zavodu ilə Azərbaycanla qardaşlıq əlaqələrimizin strateji miqyasını daha da gücləndirmiş oluruq. Türkiyə və Azərbaycanın liderliyi ilə həyata keçirdiyimiz hər bir layihə ölkələrimizin regional gücə çevrilmək qabiliyyətini qüvvətləndirməkdədir. Dünyanın ticarət müharibələri və böhranlarla sarsıldığı bir dövrdə bir-bir açılışını etdiyimiz bu layihələrin ölkələrimizi həm ayrılıqda öz qayələrinə, həm də ortaq hədəflərinə yaxınlaşdırdığına inanıram”.
banner

Oxşar Xəbərlər