• cümə, 29 Mart, 19:00
  • Baku Bakı 14°C

Ərdoğan Bərzanini hədələdi: "Ordan necə çıxacaqsan?"

05.10.17 17:46 1620
Ərdoğan Bərzanini hədələdi: "Ordan necə çıxacaqsan?"
Türkiyə prezidenti Rəcəb Tayyip Ərdoğan Şimali İraqda Kürdüstan dövlətinin yaradılması ilə bağlı keçirilən referendumdan sonrakı vəziyyəti dəyərləndirib.Lent.azTürkiyə mediasına istinadən xəbər verir ki, Şimali İraq kürdlərinin lideri Məsud Bərzaniyə xitab edən Ərdoğan deyib: "Referandum adlandırılan həmin hadisə sadəcə səbəbdir. Nəticə bundan sonra üzə çıxacaq. İş hələ bitməyib. Ətrafında İran, Türkiyə, Suriyə, İraq kimi ölkələr var. Ordan necə çıxacaqsan?”.

Ərdoğan sözlərinə belə davam edib: "Biz üzərimizə geyindirilməsinə çalışılan dəli paltarını çıxardıb atdığımız üçün hədəf olmuşuq. Türkiyəni cənubdan zəiflətmək istəyirlər. Ölkəmizin içinə də sirayət etmiş böyük bir oyun var, amma biz buna mane olacağıq. Gizli bir şey yoxdur. Bəzilərinin öz xəyallarını həyata keçirmək üçün bütün bölgəni təhlükəyə atmasına imkan verməyəcəyik”.

Ərdoğan Kürdüstan muxtariyyətinin rəhbərliyini İŞİD-in bölgədə yaratdığı xaosdan istifadə etməkdə günahlandırıb və atılan addımların yanlış olduğunu deyib. Lakin o, Bərzani və onun nəzarətində olan muxtariyyətə qarşı hansı sanksiyaların tətbiq ediləcəyinə toxunmayıb.
banner

Oxşar Xəbərlər