Ən yaxşılarla bir sırada dura bilməzsən - Pirlo Messi haqda
İtaliya yığmasının sabiq futbolçusu Andrea Pirlo Argentina futbolunun
iki əfsanəsini – Maradona ilə Messini müqayisə edib.
Kaspi.az xəbər verir ki, Pirlo üstünlüyü Maradonaya verib. O, Messinin
ən yaxşılarla bir sırada durması üçün mütləq dünya çempionu olmasının vacib
olduğunu vurğulayıb:
"Messini tez-tez Maradona ilə müqayisə edirlər. Ancaq Leoya dünya
çempionatında qalib gəlmək vacibdir. Əgər sən dünya çempionu ola bilməyibsənsə,
onda ən yaxşılarla bir sırada dura bilməzsən”.
Pirli İtaliya yığmasının heyətində 2006-cı ildə dünya çempionu olub.