Ən yaxşı Ronaldodur, amma Kriştiano yox
"Real”ın və
Braziliya yığmasının sabiq oyunçusu Kaka karyerası ərzində rastlaşdığı ən yaxşı
futbolçunun kim olduğunu açıqlayıb.
Kaspi.az xəbər
verir ki, Kaka həmyerlisi Ronaldonu fərqləndirib. O, kiminlə bir komandada
çıxış etmək istədiyini də bildirib:
"Birgə oynadığım
ən yaxşı futbolçu Ronaldodur. Mən futbolçunu düşünmə və fikirlərini həyata
keçirmə qabiliyyətinə görə qiymətləndirirəm.
Kriştiano
Ronaldo ilə Ronaldinyo möhtəşəm futbolçulardı. Ancaq Ronaldo elə şeylər edirdi
ki, fikirləşməli olurdum: axı, o, bunu necə düşünür və sonra da necə həyata
keçirir?
İndiyə qədər
yolum kəsişməyən futbolçulardan Zinəddin Zidanla bir komandada oynamaq istərdim”.