Əmrə üçün mövsüm başa çatdı
"Liverpul”un yarımmüdafiəçisi Əmrə Can bu mövsüm bir daha meydana
çıxa bilməyəcək.
Kaspi.az xəbər verir ki, Əmrə Premyer Liqanın 31-ci turunda
"Uotford”la keçirilən oyunda zədələnmişdi. O, belindən zədə almışdı.
Yarımmüdafiəçinin zədəsi gözlənildiyindən ciddi olub. Əmrə bu mövsüm
bir daha "Liverpul”a kömək edə bilməyəcək. Məlumatı komandanın baş məşqçisi
Yurgen Klopp da təsdiqləyib.
Əmrənin "Liverpul”la qüvvədə olan müqaviləsi bu ilin yayında başa
çatır. Onun "Yuventus”a keçəcəyi bildirilir.