“Çempion “Barsa” olacaq, “Real”a heç nə çatmayacaq”
"Barselona”nın "el klasiko”da "Real”a qalib gəlməsindən sonra
İspaniyada çempionun hansı komanda olacağı ilə bağlı müzakirələr gedir.
Əksər şəxslər bu mübarizədə üstünlüyü "Barselona”ya verir. Kaspi.az
xəbər verir ki, "Real”ın baş məşqçisi Zinəddin Zidan da məsələyə münasibət
bildirib. O, fikirlərini ironiyalı şəkildə çatdırıb:
"Hər kəs öz fikrini bildirməkdə sərbəstdir. Biz isə "Deportivo” ilə
qarşıdakı oyun barədə düşünürük. Müzakirələrdən belə məlum olur ki, "Barselona”
çempion olacaq, "Real”a isə heç nə çatmayacaq.
Ancaq mən bilirəm ki, belə olmayacaq. Sadəcə, öz futbolçularımdan
xahiş edəcəyəm ki, indiyə qədər necə etmişiksə, eləcə də davam edək. İrəliyə
doğru hərəkət edəcəyik”.
"Real” "Deportivo” ilə bu gün - aprelin 26-da qarşılaşır.