AZE | RUS | ENG |

“Emoci” 2017-ci ilin ən pis filmi seçilib

“Emoci” 2017-ci ilin ən pis filmi seçilib
"Emoci” filmi "Qızıl moruq” mükafatının "İlin ən pis filmi” baş nominasiyasında qalib gəlib.

AZƏRTAC xəbər verir ki, giləmeyvə təsvirində olan, 5 dollar dəyərindəki heykəlcik uğrunda mübarizədə "Emoci” filmi "Mumiya”, "Transformerlər: Son cəngavər”, "50 çalar daha tünd”, "Malibunun xilaskarları” kimi rəqibləri geridə qoyub.

Emocilərin həyatı barədə əsər, həmçinin "Ən pis ssenari” (təşkilatçılar onu 86 səhifəlik SMS adlandırırlar), "Ən pis ekran dueti” və "Ən pis rejissor” (bu mükafatı Toni Leonidis alıb) nominasiyalarının qalibi olub.

Hollivud ulduzu və üçqat "Oskar” mükafatı laureatı Tom Kruz karyerasında ilk dəfə olaraq "Qızıl moruq” mükafatını "Mumiya” filmində ən pis aktyor işinə görə qazanıb.
Aktyor Tayler Perri "Hellouin Medei 2” filmində ən pis qadın rolu ifaçısı kimi mükafatlandırılıb.

İkinci planda ən pis aktyor Mel Gibson ("Salam ata, Yeni il! 2), ən pis aktrisa Kim Besincer (50 çalar daha tünd) elan edilib.

"Qızıl moruq” laureatlarının adları adəti üzrə Amerika Kino Akademiyası mükafatlarının təqdim edilməsindən bir gün əvvəl çəkilir.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6914
GBP 1 İngilis funt sterlinqi 2.2548
TRY 1 Türk lirəsi 0.3585
KWD 1 Küveyt dinarı 5.6127
SEK 1 İsveç kronu 0.1915
EUR 1 Avro 1.9745
CHF 1 İsveçrə frankı 1.7156
USD 1 ABŞ dolları 1.7000