Emeri hakimdən narazı qalıb
PSJ-nin baş məşqçisi Unai Emeri Çempionlar Liqasının 1/8 finalında
"Real”la keçirilən ilk oyundan (1:3) sonra fikirlərini bildirib.
Kaspi.az xəbər verir ki, Emeri qarşılaşmanı idarə edən hakimlərdən
narazı qalıb. O, hakimlərin "Real”ın lehinə səhvə yol verdiklərini iddia edib:
"Mənə dedilər ki, Ramos cərimə meydançasında əllə oynayıb. Ancaq
hakim penalti təyin etməyib. Əlbəttə, bu, bəraət qazanmaq üçün bəhanə deyil.
Ancaq hesab 1:1 olarkən hakimin "Real”ın lehinə etdiyi səhv oyunun
axarına təsir göstərdi. Ondan sonra da oyuna biz nəzarət edirdik, təhlükəli
hücumlar qururduq.
Ancaq imkanlardan istifadə edə bilmədik. "Real” isə çox təhlükəli
əks-hücumlar qurmağa qadirdir. Əgər biz daha diqqətli oynasaydıq və hakim
balanslı qərarlar versəydi, bərabərliyi qoruya, hətta qələbə də qazana
bilərdik.
"Real” bu cütdə favoritdir. Ancaq mərhələ adlamaq üçün şansımızın
qaldığını da düşünürəm”.