“ELS”Müstəqil Araşdırmalar Mərkəzi ilin layihəsinə yekun vurub - Fotolar
"ELS” Müstəqil Araşdırmalar Mərkəzi İctimai Birliyi
Azərbaycan Prezidenti yanında Qeyri-Hökumət Təşkilatlarına Dövlət Dəstəyi
Şurasının maliyyə, Prezident yanında Bilik Fondu və İctimai Televiziya və Radio
Yayımları Şirkətinin informasiya, texniki və təşkilatçılıq dəstəyilə həyata
keçirdiyi "Ailə, qadın və uşaq problemlərinin həllində milli-mənəvi dəyərlərin
rolunun gücləndirilməsi” layihəsinin Beynəlxalq Mətbuat Mərkəzində yekun təqdimatını
keçirib.
Təqdimatda
"ELS” Müstəqil Araşdırmalar Mərkəzinin rəhbəri İradə Yaqubova lahiyə dair görülən
işlər, o cümlədən sentyabr ayında Azərbaycanın 21 ali təhsil müəssisəsinin 1050
tələbəsi arasında aparılmış sosioloji araşdırma, İctimai Televiziyanın
"Addım-addım” (5 buraxılış) və "Açıq dərs” (1 buraxılış) verilişlərində ekspertlərin
iştirakı ilə ümumilikdə 6 mövzu ətrafında müzakirələr və sair haqqında
məlumat verib. Bildirib
ki, 3 ay davam edən layihə zamanı cəmiyyəti narahat edən problemlər və onların
həlli yolları araşdırılıb, ekspertlər tamaşaçılarla canlı ünsiyyət zamanı fikir
və təklifləri ilə bölüşüblər.
"Açıq
dərs” verilişində müzakirə olunan "İxtisas seçiminə ailənin təsiri və rolu”
mövzusunun cəmiyyətdə rezonansa səbəb olduğunu deyən İ.Yaqubova bu məsələnin
gündəmdə saxlanmasının zəruri olduğunu vurğulayıb.
Sonra
mövzu ətrafında ictimai müzakirələr başlayıb.
İctimai Televiziyanın rəsmisi Zaur Mahmudov İTV-nın bu cür layihələri dəstəklədiyini
vurğulayıb.
"Açıq
dərs” verilişinin aparıcısı Orxan Cabbarov isə peşə seçimi məsələsinə toxunub:
"Peşə məktəblərini inkişaf etdirmək istəyiriksə, bu istiqamətdə konkret
addımlar atmalıyıq. Çox təəssüflər olsun ki, regionlarda yaddan çıxan peşə məktəbləri
var. Əgər biz bu problemi kökündən həll etmək istəyiriksə, peşə təhsili ilə
bağlı islahatları kompleks şəkildə aparmalıyıq”.
Azərbaycan
Prezidenti yanında Bilik Fondu, Peşə Təhsili üzrə Dövlət Agentliyi, Təhsil
nazirliyi, Ombudsman Aparatı, Əmək və Əhalinin Sosial Müdafiəsi Nazirliyinın rəsmiləri
də məsələnin aktuallığını nəzərə alaraq, bu istiqamətdə köklü islahatların
aparılmasının qaçılmaz olduğunu dilə gətiriblər.
Tədbir
maraqlı fikir və təkliflərlə davam etdirilib.
Peşə ixtisas müəssisələrinin rəhbərləri mövcud problemlər, o cümlədən işəgötürənlərlərlə
peşə məktəbləri arasında əlaqənin zəif olması, eyni
zamanda son illərdə müşahidə olunan müsbət dəyişikliklərdən danışıblar.