“Çelsi” ukraynalılardan UEFA-ya şikayət etdi
"Çelsi” Avropa
Liqasının 1/8 finalında Kiyev "Dinamo”su ilə keçirilən cavab qarşılaşmasında
ukraynalı azarkeşlərin davranışından narazı qalıb.
Sportinfo.az xəbər
verir ki, "Çelsi” rəhbərliyi bununla bağlı UEFA-ya şikayət edib. London klubunu
ukraynalı azarkeşlərin irqçi hərəkətləri narahat edib.
"Təqaüdçülər”in
yarımmüdafiəçisi Kallum Hadson-Odoi qarşılaşmanın ikinci hissəsində irqçi təhqirlərə
məruz qalıb. Artıq UEFA məsələ ilə bağlı araşdırmaya başlayıb”.
İlk qarşılaşmada
3:0 hesabı ilə qalib gələn "Çelsi” təkrar oyunda da 5:0 üstün olaraq, növbəti mərhələyə
adlayıb.