“Çelsi” pul vermək istəmir, Konte məhkəməyə üz tutacaq
Antonio Kontenin "Çelsi”dən ayrılacağı iddia olunsa da, bununla bağlı
rəsmi açıqlama hələ də verilməyib.
Ancaq bu məsələ ilə bağlı söz-söhbətlər səngimək bilmir. Kaspi.az
xəbər verir ki, İtaliya mətbuatı "Çelsi” rəhbərliyinin Konteyə kompensasiya
ödəmək niyyətində olmadığını yazıb. Məlumata görə, Konte istefaya göndəriləcəyi
təqdirdə, 11 milyon avro kompensasiya almalıdır.
"Çelsi” rəhbərliyi Kontenin baş məşqçi işlədiyi dönəmdə verdiyi bəzi
qərarları əsas gətirərək, ona kompensasiya ödəməkdən imtina edir. Əsas səbəb
kimi də Kontenin Dieqo Kosta ilə yola getməyərək, hücumçunun komandadan
ayrılması göstərilir.
"Təqaüdçülər”in rəhbərliyi hesab edir ki, Kostanın gedişi komandanın
gücünü xeyli zəiflədib. Ancaq Kontenin bu durumla barışmayacağı da bildirilir.
"Çelsi” ona kompensasiya ödəməsə, italyan mütəxəssis məhkəməyə müraciət edəcək.