“Çelsi” 60 milyon verdi, “Torino” “yox” dedi
"Çelsi” İtaliyanın "Torino” klubunun hücumçusu Andrea Belottini
transfer etmək istəyir.
Kaspi.az xəbər verir ki, "zadəganlar” Belottiyə görə "Torino”ya rəsmi
təklif də göndəriblər. "Çelsi” hücumçunu transfer etmək üçün 60 milyon avro
verməyə hazır olub. Rəhbərlik bildirib ki, Belotti "Çelsi”də uğurlu ola bilsə,
əlavə kompensasiya da ödəməyə hazırdırlar.
Ancaq "Torino” bu təklifi qəbul etməyib. Belotti "Torino”ya 2015-ci
ildə 7,5 milyon avro qarşılığına "Parma”dan keçib. O, "öküzlər”in heyətində 66
oyun keçirib, 37 qol vurub. Belotti cari mövsümdə 24 dəfə fərqlənib. Hücumçu
İtaliya yığmasında keçirdiyi 7 oyunda 3 qol vurub.