Ələt Qafqazın Dubayına çevriləcək
Son vaxtlar Azərbaycanın iqtisadi potensialını gücləndirmək
istiqamətində atdığı addımlar dünya mediasının da diqqətindən kənarda qalmır. Məsələn,
"Podrobno.uz” saytında dərc edilən məqalədə Azərbaycan paytaxtının yaxınlığında
inşasına başlanılan yeni layihədən - Ələt limanından bəhs edilib. Reportajda bu
limanının Birləşmiş Ərəb Əmirliklərinin Dubay şəhərini xatırladacağı
bildirilir. Məqalədə əvvəlcə Dubayın iqtisadi göstəricilərinə nəzər salınıb.
Qeyd edilib ki, səhrada cənnəti xatırladan
Dubayın ərazisi 57 kv.km. olan Cabal Əli limanı hazırda dünyanın ən iri liman
şəhərlərindəndir. 1976-1979-cu illərdə inşa edilən bu limanda hazırda 145 min
insan çalışır. Bu limanın köməyi ilə BƏƏ-yə birbaşa investisiyaların həcmi 42
faiz artıb. Tək Dubayın ticarət dövriyyəsi 87 mlrd. dollara yüksəlib. Cabal Əli
limanı hazırda özündə 15 milyon konteyneri yerləşdirməyə imkan verir. Bu gün
burada dünyanın məşhur brendləri -"Acer”, "Dell”, "Nissan”, "Audi”, "Siemens”, "Bridgestone”
və başqaları fəaliyyət göstərir.
Azərbaycan analoji inkişaf
modeli yaratmağı planlaşdırır
Reportajda xüsusi vurğulanır ki, Azərbaycan da analoji inkişaf modeli
yaratmağı planlaşdırır. "Azərbaycan coğrafi mövqeyinə görə ən əhəmiyyətli
strateji məkanda - Avropa və Asiyanın qovuşduğu yerdə, Çindən Avropaya qədər
uzanan məşhur Böyük İpək yolunda, eləcə də şimal-cənub ticarət yollarında
yerləşir. "Demək, tarixi "birləşmə konsepsiyası” Azərbaycanda mövcud olub.
Məsələn, bu birləşmənin əsas komponentlərindən biri karvansaraylar idi. Dəvə
karvanları gün ərzində təqribən 40
km. məsafə qət edərək məhz belə yerlərdə dayandırdılar.
Onları yedizdirmək gərək idi, insanlar da istirahət etməli idilər. Karvansaralar
da məhz bu funksiyanı yerinə yetirirdilər. Onlar əsas dayanacaqlar idilər.
Beləliklə, hər 40-50 km-dən bir belə yerlərə rast gəlmək mümkün idi. Lakin
ticarətçilərin ən böyük hədəfi iri şəhərlər, meqapolislər idi - Buxara,
Səmərqənd, Təbriz, İstanbul, Hələb. Əsas ticarət əməliyyatları məhz bu şəhərlər
vasitəsilə edilirdi. Bu şəhər-meqapolislər iqtisadiyyatın yüksəlməsinə əlavə
dəyər verirdilər. Onların iki funksiyası var idi – tranzit və əlavə qiymətin
yaradılması. Yəni birinci halda bu şəhərlər digər şəhərlərə getmək və orada
istirahət etmək üçün istifadə olunurdular. İkinci halda isə başqa yerlərdən yeni
məhsullar gətirilirdi. Bu yeni məhsullar digər şəhərlərə və dövlətlərə daha
yüksək qiymətə satılırdı”, - deyə reportajda vurğulanıb.
Azərbaycan coğrafi
mövqeyinə görə tranzit ölkələrdən biridir
Müəllif yazır ki, bu gün Azərbaycan coğrafi mövqeyinə görə, tranzit
ölkələrdən biridir. Ölkə iqtisadiyyatının əsasını neft sektoru və ondan əldə
olunan gəlirlər təşkil edir: "Bundan əlavə, Avropadan Asiyaya Azərbaycan
vasitəsilə il ərzində yüz minlərlə ton məhsul daşınır. Lakin təəssüf ki, Azərbaycan
öz ərazisindən yalnız yüklərin daşınmasına görə əlavə gəlir əldə edə bilir.
Halbuki, bu gəlirlər min dəfə arta bilər. Bəs necə? Sadəcə, daşınan yükləri
xüsusi iqtisadi zonalarda saxlamaq, burada yeni istehsal sahələri yaratmaq, bu
məhsulları təkrar işləmək və sonda yeni məhsulları dünya bazarına çıxarmaqla.
Artıq belə iqtisadi zonaların yaradılması üçün yerlər də məlumdur. Belə bir
yolla ölkədə yüzlərlə, minlərlə iş yerləri açıla, əhalinin sosial vəziyyəti
yaxşılaşa bilər. Eləcə də, yeni məhsulların satışından və burada fəaliyyət
göstərən şirkətlərin ödədikləri vergilərdən gəlir əldə etmək olar”.
Bakı limanı və ətraf
ərazilərdə azad ticarət zonasının əhəmiyyəti
Qeyd edilir ki, prezident İlham Əliyev 2016-cı il martın 17-də Bakı
şəhəri Qaradağ rayonunun Ələt qəsəbəsində yeni Bakı Beynəlxalq Dəniz Ticarət Limanının
ərazisi daxil olmaqla Azad Ticarət Zonası tipli xüsusi iqtisadi zonanın
yaradılması ilə bağlı tədbirlər haqqında sərəncam imzalayıb. Bu əraziyə yeni
Bakı Beynəlxalq Dəniz Ticarət Limanı (Ələt terminalı) daxildir. Sərəncamın icrasının təmin olunması məqsədilə 2016-cı il
sentyabrın 7-də məsləhətçi qismində Birləşmiş Ərəb Əmirliklərinin DP World
şirkəti arasında müqavilə imzalanıb. DP World 1985-ci ildən fəaliyyət göstərən
Cabal Əli limanı və Sərbəst Zonanı (JAFZA), dünya üzrə daha 50 ölkədə 77 quru və
dəniz terminallarını idarə edir. Müqaviləyə əsasən, məsləhətçi şirkət xüsusi
iqtisadi zonalara dair qanunvericiliyin təkmilləşdirilməsi, zonanın
yaradılmasının iqtisadi əsaslandırılması, inkişaf konsepsiyası, infrastrukturu
və idarə olunması, eləcə də zonada həyata keçiriləcək sahibkarlıq fəaliyyətinin
növləri və onların xüsusiyyətləri ilə bağlı Azərbaycan hökumətinə və Bakı
Limanına məsləhətlər verəcək. Azərbaycan bu layihəyə böyük əhəmiyyət verir.
Qeyd edilib ki, Ələtdəki limanın yaradılmasını düzgün əsaslandırmaq üçün
nəqliyyat, loqistika və infrastruktura mühüm məsələdir: "Çünki, dünyada bir
neçə belə liman fəaliyyət göstərsə də, onlar uğur əldə edə bilməyiblər. Bu
səbəbdən də qanunverici baza və düzgün rejimli sistem qurmaq gərəkdir”. Nəşrə
müsahibəsində "Bakı Beynəlxalq Dəniz Ticarət Limanı” QSC-nin baş
direktoru Taleh Ziyadov bildirib ki, hazırda yeni inşa ediləcək limanın
qanunverici rejimini əsaslandırmaq üçün işlər aparılır: "Artıq dövlətə müvafiq
sənədlər təqdim edilib. Bu günlərdə isə Ələtdə Azad Ticarət Zonasının
yaradılması barədə layihə parlamentə təqdim ediləcək. Bununla da, bu ilin
birinci yarısında Azərbaycanda Azad Ticarət Zonası fəaliyyət göstərə bilər.
Limanda inşa işlərinin birinci mərhələsi bu ilin sonuna kimi başa çatdırılacaq.
Hazırda əsas işlər əsas quru terminalı "Ro-Ro”da aparılır. Bu işlərin uğuruna
inam çox yüksəkdir və yaxın illərdə Azad Ticarət Zonası Azərbaycanın brendinə
çevriləcək. Birinci mərhələdə işlər başa çatdıqdan sonra liman sutka ərzində
1280 ton yük qəbul edə biləcək”.
Ələt regionun iqtisadi
mərkəzinə çevrilə bilər
Məqalədə qeyd edilir ki, Ələtdə Azad Ticarət Zonası ölkədə "Made in
Azerbaijan” brendinin populyarlaşmasına səbəb ola bilər. Bu layihə həm də şəhər
infrastrukturunun inkişafına xidmət edir. Əgər bütün bunlar baş verərsə, Ələt
20-30 ildən sonra ticarət şəhərinə çevriləcək. Hazırda bunun üçün Ələtdə 400
hektar ərazi ayrılıb. Gələcəkdə isə bu məqsədlə 2 min hektar torpaq ayrılması
nəzərdə tutulub. Bundan əlavə, hava limanının inşası da nəzərdə tutulub.
Azər