Ələ saldı - Ən bahalı “yoldaşlıq görüşü” olacaq
Argentina
yığmasının sabiq futbolçusu Xuan Roman Rikelme "River Pleyt”lə "Boka Xuniors”
arasındakı qarşılaşmanın Madriddə keçirilməsinə münasibət bildirib.
Kaspi.az xəbər
verir ki, Rikelme bu qərara sərt etiraz edib. O, məsələ ilə bağlı açıqlama verərkən, ironyialı ifadələr işlədib:
"Onlar oyunun
Madriddə keçirilməsi ilə bağlı qərar qəbul etdilər. Bəs "River”lə "Boka”
arasındakı növbəti qarşılaşmada nə baş verəcək? Onlar yenə də başqa ölkədə
oynayacaqlar?
Mən istəyirəm
ki, qarşılaşma Argentinada olsun. Bütün varlığımla da "Boka Xuniors”un qalib gəlməsini
istəyirəm. Madriddə keçiriləcək qarşılaşma dünyanın ən bahalı "yoldaşlıq
görüşü” olacaq”.
Qeyd edək ki, Libertadores
kubokunun finalında "River Pleyt”lə "Boka Xuniors” arasındakı cavab
qarşılaşması noyabrın 24-də keçirilməli idi. Ancaq "River” fanatlarının "Boko”nun
avtobusuna hücum etməsindən sonra qarşılaşma təxirə salındı. Daha sonra isə
oyunun dekabrın 9-da Madriddə keçirilməsi ilə bağlı qərar verildi.
Bu komandalar
arasındakı ilk qarşılaşma 2:2 hesabı ilə yekunlaşıb.