Əhməd Türkiyəyə gəlməyəcək, kiminsə zarafatıdı
"Lester”in
hücumçusu Əhməd Musanın karyerasını Türkiyədə davam etdirəcəyi ilə bağlı məlumat
yayılmışdı.
Kaspi.az
xəbər verir ki, Əhmədin "Bursaspor”a keçəcəyi bildirilirdi. Futbolçunun agenti
Toni Harris məsələ ilə bağlı açıqlama verib. O, Türkiyə klublarından təklif
alsalar da, Əhmədin İngiltərəni tərk etmək niyyətinin olmadığını bildirib:
"Həqiqətən
də bizə Türkiyənin 3 top-klubu müraciət edib. Ancaq Musa indi ora getmək niyyətində
deyil. Böyük ehtimalla, o, İngiltərədə qalacaq.
Biz "Bursaspor”
xəbərindən çox təəccübləndik. Bu məlumatın hardan qaynaqlandığını bilmirik. Bu,
kiminsə zarafatıdı. Əmin edirəm, Əhməd "Bursaspor”a keçməyəcək”.