Əhməd Sami Elaydi AMEA Naxçıvan Bölməsində olub - Fotolar
Misir Ərəb Respublikasının Azərbaycandakı Səfirliyinin
Mədəniyyət və Təhsil Əlaqələri Mərkəzinin direktoru Əhməd Sami Elaydi AMEA
Naxçıvan Bölməsində olub. AMEA
Naxçıvan Bölməsinin İnformasiya şöbəsindən "Kaspi”yə bildirilib ki, qonağı AMEA
Naxçıvan Bölməsinin Tarix, Etnoqrafiya və Arxeologiya İnstitutunun
direktoru, AMEA-nın müxbir üzvü, professor Fəxrəddin Səfərli salamlayıb.
Görüş zamanı qonağa AMEA
Naxçıvan Bölməsinin еlmi və еlmi-təşkilati fəaliyyəti,
elmi araşdırmalar, əldə olunan uğurlu
nailiyyətlər, mühüm еlmi nəticələr barəsində ümumi
məlumat verilib və Misir-Azərbaycan əlaqələrinin inkişafından söz açılıb.
Misir Ərəb Respublikasının Azərbaycandakı Səfirliyinin
Mədəniyyət və Təhsil Əlaqələri Mərkəzinin direktoru Əhməd Sami Elaydi öz növbəsində
ölkələrimiz arasında günü-gündən genişlənən əlaqələrin çoxşaxəli olduğunu bildirərək, Misir-Naxçıvan mədəniyyət
və təhsil sahəsindəki əlaqələrinin hazırkı vəziyyətindən
danışıb.
Qonaq söhbət əsnasında ölkələr
arasında qarşılıqlı əlaqələrin daha da güclənməsinin vacibliyini vurğulayaraq hər iki xalq üçün
zəruri olan mədəni münasibətlərin genişlənməsində mərkəzlər arasında aparılacaq
işlərdən bəhs edib.
Görüşdə Əhməd Sami
Elaydiyə bölmə əməkdaşlarının bir neçə kitabı hədiyyə edilib, qonaq səmimi görüşə görə professor Fəxrəddin Səfərliyə öz minnətdarlığını bildirib.