Dövlətin vətəndaşlara qayğısının təzahürü
Prezident
İlham Əliyev aztəminatlı ailələrə birdəfəlik yardım verilməsi haqqında Sərəncam
imzalayıb. Sərəncamda qeyd edilir ki, 2018-ci il 28 dekabr tarixinə ünvanlı
dövlət sosial yardımı alan ailələrin hər birinə Dünya Azərbaycanlılarının
Həmrəyliyi Günü və Yeni il bayramı münasibətilə 100 manat məbləğində birdəfəlik
yardım ödənilsin. Qeyd edək ki, birdəfəlik yardımın maliyyələşdirilməsi üçün
Azərbaycan Respublikasının 2018-ci il dövlət büdcəsində ünvanlı dövlət sosial
yardımı və sosial müavinətlər üçün nəzərdə tutulmuş vəsaitin xərclənməmiş qalıq
hissəsindən 5 milyon manat ayrılıb.
Millət vəkili Elman Nəsirov"Kaspi”yə açıqlamasında bildirdi ki, Prezident İlham Əliyevin ünvanlı dövlət
sosial yardımı alan ailələrə 100 manat məbləğində birdəfəlik vəsaitin ayrılması
haqda imzaladığı Sərəncam dövlətin sosial siyasətinin növbəti təsdiqi kimi
dəyərləndirilə bilər: "2019-cu il büdcəsinin 33,4 faizi sosial yönümlü xərclərə
ayrılıb. Bu da təqribən 8,3 milyard manat deməkdir. 2019-cu ildən başlayaraq
pensiya və müavinətlərin artırılması əsas hədəflərdən biridir. 2019-cu il büdcəsində
müstəqillik tariximizdə ilk dəfə ən böyük həcmdə gəlir gözlənilir. Qeyd etdiyim
kimi, bu gəlirin üçdə bir hissəsi sosial məqsədlər üçün nəzərdə tutulub. Dövlət
başçısının həyata keçirdiyi siyasətin mərkəzində Azərbaycan vətəndaşı və onun
sosial rifahı dayanır. Bu mənada imzalanan son sərəncama eyni məntiqlə qiymət
vermək olar. Prezident aztəminatlı ailələrin sosial problemlərinin həllinə
xüsusi həssaslıq və diqqətlə yanaşır. İmzalanan Sərəncam da bu siyasətin
ifadəsi kimi dəyərləndirilə bilər”.
Millət vəkili Aydın Mirzəzadəqeyd etdi ki, aztəminatlı ailələrin sosial problemləri dövlət tərəfindən daima
diqqətdə saxlanılır: "Prezidentin imzaladığı Sərəncam bunu bir daha təsdiq
etdi. Yardıma ehtiyacı olan ailələrə dövlət tərəfindən maddi dəstəyin olunması
onu göstərir ki, Azərbaycan vətəndaşı dövlətin diqqətindədir. Bu, prezidentin
sosial problemlərin həll edilməsi nə daim diqqət ayırması anlamına gəlir. Yeni
iş yerlərinin yaradılması, məktəb və xəstəxanaların təmir edilməsi və
yenilərinin tikilməsi, tibbi sığortanın pilot layihə kimi istifadəyə verilməsi
bu qəbildən olan məsələlərdir. Hər ailəyə 100 manat məbləğində yardım edilməsi ilə
təqribən 50 min ailəyə bayramqabağı maddi yardımın göstərilməsi nəzərdə
tutulub. Bu, bir daha onu sübut edir ki, Azərbaycan dövləti öz vətəndaşının
problemlərinə qayğı ilə yanaşır”.
Milli Məclisin deputatı Aydın HüseynovAzərtac-a açıqlamasında bildirib ki, Azərbaycan Prezidenti İlham Əliyevin
"Aztəminatlı ailələrə birdəfəlik yardım verilməsi haqqında” Sərəncamı yürüdülən
məqsədyönlü sosial siyasətin tərkib hissəsidir: "Bu Sərəncam bir daha təsdiq
etdi ki, Azərbaycanda əhalinin sosial rifahının daha da yüksəldilməsi dövlət
siyasətinin başlıca istiqamətlərindən biridir. Ölkəmizdə əmək pensiyaları və
sosial müavinətlər getdikcə artırılır, əlillərin, şəhid ailələrinin maddi
rifahının yaxşılaşdırılması istiqamətində mühüm tədbirlər görülür. Prezident
İlham Əliyevin tapşırıqlarına əsasən həyata keçirilən sosial müdafiə
tədbirləri, həmçinin sığorta-pensiya sisteminin davamlı inkişafı sosial təminat
sisteminin mühüm komponenti olan təqaüdlərin cari ildə də mütəmadi artımına
imkan verib. Dövlət başçısı əhaliyə, xüsusilə sosial cəhətdən həssas qruplara
sosial xidmətlərin göstərilməsi zamanı vətəndaş məmnunluğunu daim diqqət
mərkəzində saxlayır. "Aztəminatlı ailələrə birdəfəlik yardım verilməsi
haqqında” Sərəncam dövlətin məqsədyönlü və səmərəli sosial siyasətinin daha bir
təzahürüdür. Ölkəmizdə əhalinin aztəminatlı hissəsinin dövlətin həmişə diqqət
mərkəzində olduğunu deyən Milli Məclisin deputatı vurğulayıb ki, hələ 2003-cü
ildə yoxsulluğun azaldılması haqqında ilk dövlət proqramı təsdiqlənib, 2008-ci
ildə növbəti belə proqram qəbul edilib. Bundan başqa, sahibkarlığın, xüsusən də
kiçik və orta sahibkarlığın dəstəklənməsi, məşğulluğun artırılması, regionların
inkişafı ilə bağlı qəbul edilərək həyata keçirilən tədbirlərin də əsas məqsədi
əhalinin yoxsul və işsiz təbəqəsinin sosial müdafiəsini gücləndirmək olub. Azərbaycan
Prezidentinin yorulmaz fəaliyyəti nəticəsində 15 ildə ardıcıl olaraq həyata
keçirilmiş tədbirlər, icra edilmiş proqramlar sayəsində əhalinin aztəminatlı
təbəqəsinin ümumi əhali nisbətində xüsusi çəkisi azalıb, yoxsulluq 49 faizdən 5
faizə düşüb. Son 15 ildə əhalinin sayı 1,5 milyon nəfər artsa da, işsizliyin
statistikasında azalan temp saxlanılıb. Hazırda Azərbaycanda işsizliyin
səviyyəsi hətta bir sıra Avropa ölkələrindən də aşağıdır”.
Milli Məclisin Gənclər və idman komitəsinin üzvü,
Yeni Azərbaycan Partiyası Gəncə şəhər təşkilatının sədri Naqif Həmzəyevbildirdi ki, Prezident İlham Əliyevin aztəminatlı ailələrə birdəfəlik yardım
verilməsi haqqında imzaladığı Sərəncam ölkə əhalisinin sosial müdafiəsinin
gücləndirilməsi istiqamətində atılan növbəti addımdır. Onun sözlərinə görə,
əhalinin sosial rifahının güclənməsinə hesablanan bu addım Yeni il qabağı
aztəminatlı ailələrin hər birinə sevinc bəxş edir: "Sosial rifahın ilbəil
yüksəldilməsi dövlət başçısının daim diqqət mərkəzində olub. Bundan əvvəlki
illərdə də əhalinin sosial durumunun durmadan yaxşılaşması istiqamətində
sərəncamlar imzalanıb, dövlət proqramları qəbul edilib. Sosial problemlərin
yoluna qoyulması üçün çoxşaxəli tədbirlərin həyata keçirilməsi, bütün
kateqoriyalardan olan vətəndaşların sosial rifahının yüksəldilməsi ölkə
ictimaiyyəti tərəfindən daim rəğbətlə qarşılanıb. Əhalinin, xüsusən
təqaüdçülərin, çoxuşaqlı ailələrin, əlillərin həyat səviyyəsinin yüksəldilməsi
də Prezident İlham Əliyevin yürütdüyü sosial siyasətin əsas məqsədlərindən
biridir. Azərbaycan Prezidenti dəfələrlə bəyan edib ki, dövlətin yürütdüyü
siyasətin mərkəzində ölkə vətəndaşı dayanır. Məhz bu siyasətin nəticəsində,
ölkədə hökm sürən sabitlik, davamlı inkişaf əhalinin sosial rifahının ilbəil
yüksəlməsinə imkan verir. Sosial sahədə qazanılan uğurlar, xalqın ildən-ilə
yüksələn rifahı dövlətimizin başçısının uzaqgörən siyasətinin əyani
təsdiqidir”.
Şəbnəm Mehdizadə