Dünya çempionatının mükafat fondu açıqlandı

Sabah Braziliyada 2014-cü il dünya çempionatına start veriləcək. Apasport.az xəbər verir ki, 32 komandanın yarışacağı turnirdə qalibin alacağı mükafatın məbləği 35 milyon dollar olacaq.
İkinci yerin sahibi 25 milyon dollar, üçüncü pillənin sahibi isə 22 milyon dollar qazanacaq.
Dördüncü yerdə qərarlaşacaq komanda 20 milyon dollara sahib olacaq.
Qrupdan çıxan komandalar 8 milyon dollar, 1/8 finalçılar 9 milyon dollar, 1/4 finalçılar 14 milyon dollar qazanacaq.