Donald Tusk: “Rusiyanın strategiyası Aİ-ni zəiflətməkdir”

Rusiyanın strategiyası Avropa İttifaqını zəiflətməkdən ibarətdir.APA-nın "TASS”a istinadən verdiyi xəbərə görə, bunu Aİ Şurasının sədri Donald Tusk deyib.

"Rusiyanın strategiyası Aİ-ni zəiflətməkdir. Biz reallığı görürük, bizdə heç bir illüziya yoxdur”, - deyə Tusk bildirib.

Aİ Şurasının sədri bununla belə Aİ-nin Moskva ilə gərginliyi gücləndirmək niyyətində olmadığını qeyd edib. Onun sözlərinə görə, Aİ həmişə Rusiya ilə dialoqa hazırdır, lakin dəyərləri ilə bağlı heç vaxt kompromisə getməyəcək.

"Beləliklə, Aİ təzyiq kursunu davam etdirmək niyyətindədir”, - deyə Tusk vurğulayıb.