• cümə axşamı, 28 mart, 23:57
  • Baku Bakı 13°C

DİN Mingəçevirdə və Masallıda törədilən dəhşətli qətllərlə bağlı məlumat yayıb

10.06.17 12:40 1505
DİN Mingəçevirdə və Masallıda törədilən dəhşətli qətllərlə bağlı məlumat yayıb
Daxili İşlər Nazirliyi Mingəçevirdə və Masallıda törədilən dəhşətli qətllərlə bağlı məlumat yayıb.
APA-nın nazirliyin saytına istinadən verdiyi məlumata görə, iyunun 9-da Mingəçevir şəhər sakini, əvvəllər məhkum olunmuş Lazım Hüseynov Şəhər Polis Şöbəsinə gələrək evində ailə münaqişəsi zəminində arvadı Aynurə Hüseynovanı odlu silahdan açdığı atəşlə, oğlu 9 yaşlı Hüseyni və qızı 5 yaşlı Mədinəxanımı isə bıçaqla qətlə yetirdiyini bildirib və istintaqa təslim olub.
Şəhər Polis Şöbəsi əməkdaşları tərəfindən hadisə baş verən evin yaxınlığından qətlin törədilməsində istifadə edilən "AKM” markalı silah və bıçaq aşkar edilərək götürülüb.
Bundan başqa elə həmin gün Masallı rayonunun Miyənkü kənd sakini Azər Ağayev iyunun 5-də saat 4 radələrində atası Etibarın və anası Rəfiqənin evdən çıxmaları və geri qayıtmadıqları barədə Rayon Polis Şöbəsinə müraciət edib.
Dərhal başlanan araşdırmalarla həmin vaxt A.Ağayevin yaşadığı Miyənkü kəndindəki evdə arvadı Bəstəgülün qayınatası Etibarı və qaynanası Rəfiqəni balta ilə qətlə yetirməsi, sonradan əri Azərlə birgə həyətdəki tövlədə basdırmaları müəyyən edilib.
Etibarın və Rəfiqənin meyitləri eksqumasiya edilib.
Masallı RPŞ əməkdaşlarının keçirdikləri əməliyyat tədbirləri nəticəsində A.Ağayev və B.Ağayeva tutulublar.
banner

Oxşar Xəbərlər