Dillər Universiteti nəzdində Konfutsi İnstitutu turizm sahəsində əməkdaşlığı genişləndirir
Azərbaycan Dillər
Universitetinin (ADU) nəzdində fəaliyyət göstərən Konfutsi İnstitutunda Azərbaycan Turizm Assosiasiyasının nümayəndələri
ilə görüş keçirilib. Konfutsi İnstitutunun direktoru, professor Rafiq Abbasov
Çinlə Azərbaycan arasındakı turizm əlaqələrinin inkişafı üçün əlverişli şəraitin
yaranmasının vacibliyini vurğulayaraq,
ümummilli lider Heydər Əliyevin Çinə tarixi səfəri zamanı ölkələrimiz
arasında turizm sahəsində əməkdaşlıq haqqında imzalanmış müqavilənin əhəmiyyətini
diqqətə çatdırıb. Azərbaycan Turizm Assosiasiyasının sədrinin müşaviri Müzəffər
Ağakərimov Çin bazarında Azərbaycanın
turizm məhsulunun və Azərbaycan bazarında Çin turizm məhsulunun qarşılıqlı
iştirakını, dövlətlərimiz arasında
dostluq əlaqələrinin möhkəmlənməsi istiqamətində turizm xidməti keyfiyyətinin
artırılmasının əhəmiyyətini vurğulayıb. Sonra turizm sektoru üzrə peşəkar
kadrların hazırlanması istiqamətində, turizm təşkilatlarının əməkdaşları
arasında iş təcrübəsi mübadiləsinin aparılması sahəsində Azərbaycan-Çin əlaqələrinin
inkişafı ilə bağlı fikir mübadiləsi aparılıb.