AZE | RUS | ENG |

Deputat: Rəsmi Yerevan yanlış siyasət yürüdür

Deputat: Rəsmi Yerevan yanlış siyasət yürüdür
Millət vəkili: Ermənistanın KTMT-dəki nümayəndəsinin geri çağırılması təbiidir

Ermənistanın Kollektiv Təhlükəsizlik Müqaviləsi Təşkilatındakı (KTMT) nümayəndəsinin geri çağırılması təbiidir, çünki Paşinyan hakimiyyətə gəldikdən sonra rəsmi Yerevan bir çox istiqamətlərdə yanlış siyasət yürüdür. Bunu Trend-ə Milli Məclisin deputatı Tahir Rzayev deyib.

Onun sözlərinə görə, KTMT-nin prosedur və rotasiya qaydalarına, əlifba sırası ardıcıllığına uyğun olaraq, 2020-ci ilə qədər baş katib vəzifəsini Ermənistan nümayəndəsi daşımalı idi. Lakin KTMT-nin ali orqanı olan Kollektiv Təhlükəsizlik Şurasının qərarı ilə Ermənistanın nümayəndəsi Yuri Xaçaturov vaxtından əvvəl təşkilatın baş katibi vəzifəsindən azad edildi.

T.Rzayev bunu Ermənistanın Kollektiv Təhlükəsizlik Müqaviləsi Təşkilatının Astana sammitində uğursuzluğu kimi qiymətləndirib.

Millət vəkili qeyd edib ki, Ermənistanın qonşu dövlətlərə münasibətdə yürütdüyü siyasət də təşkilata məlumdur:

"Rəsmi Yerevan elə bu siyasətinə görə də KTMT üçün əlavə yük və problemdən başqa bir şey deyil. Ümumiyyətlə, təsis olunmasından etibarən KTMT-yə Ermənistan qədər zərbə vuran ikinci bir dövlət olmayıb. Təşkilatın baş katibinə qarşı digər üzv dövlətlərlə məsləhətləşmədən cinayət işinin açılması isə qurumun nizamnaməsinə ən böyük hörmətsizlikdir".




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9267
GEL 1 1 Gürcüstan larisi 0.6343
GBP 1 1 İngiltərə funt sterlinqi 2.1743
IRR 100 100 İran rialı 0.0040
SEK 1 1 İsveç kronu 0.1877
CHF 1 1 İsveçrə frankı 1.6884
KWD 1 1 Küveyt dinarı 5.5875
TRY 1 1 Türkiyə lirəsi 0.3163