Deloitte Korporativ İdarəetməyə dair Azərbaycan üzrə hesabatını açıqlayıb
"Son beş ildə Azərbaycanda yerli şirkәtlәrin icraedici orqan rәhbәrlәri
korporativ idarәetmәyә әhәmiyyәtli dәrәcәdә diqqәt ayırıb vә bu yanaşma
tәkmillәşdirilib. Müasir dövrdə təşkilatlar korporativ idarәetmә
standartlarının tətbiqinə yeni rakursdan nəzər salmalıdırlar. Eyni zamanda,
müşahidә şurası üzvlәri bu tәşәbbüsә, yüksək etik və peşə standartlarına sadiq
qalmaqla, şirkətin inkişafına daha effektiv dәstәk ola bilərlər”.
Bu barədə Deloitte Azərbaycanın Korporativ İdarəetməyə dair Azərbaycan üzrə
açıqladığı hesabatda bildirilir. Təhlil ölkәdә fәaliyyәt göstәrәn 40-dan artıq
özәl, yerli vә xarici şirkәtlәrlә aparılmış onlayn sorğuya və üzbəüz
müsahibələr, şirkәtin qlobal tәcrübәsinә әsaslanıb. Sorğu ölkәdә korporativ
idarәetmәnin inkişaf sәviyyәsini tәhlil etmәk mәqsәdilә müxtәlif sәnaye
sahәlәrindә fəaliyyət göstərən çoxsaylı müәssisәlәr arasında aparılıb. Deloitte
Azərbaycan korporativ idarəetməyə dair sorğuya bu ilin iyulunda başlayıb.
Sorğuda məqsəd müәssisәlərdə icraedici orqan rәhbәrlәrinin korporativ idarәetmә
yə dair fikirlərinin öyrənilməsi olub. Araşdırmalar zamanı, 12 sәnaye sahәsi
üzrә (neft, bank işi, telekommunikasiya, inşaat, istehsal vә digәr sahәlәrdә)
müxtәlif ölçülü şirkәtlәr tәhlil edilib.
Deloitte Azərbaycanın Məsləhət xidmətləri üzrə Direktoru Tural Hacıyev bildirib
ki, ölkədəki yeni iqtisadi reallıqlar Azərbaycanda fəaliyyət göstərən
müəssisələrdən beynəlxalq biznes praktikalarına uyğun güclü korporativ idarəetmə
standartlarının tətbiqinə daha çox diqqət ayırmağı tələb edir, Onun sözlərinə
görə, şirkətlərimiz beynəlxalq bazarlara çıxmağa səy göstərərsə, qarşılıqlı
asılılığa və qarşılıqlı məhdudiyyətlərə əsaslanan şəffaf idarəetmə strukturunun
tətbiqi onlar üçün minimum tələblərdən biri olmalıdır.
Xatırladaq ki, Deloitte Azərbaycanın dərc etdiyi yeni hesabat mövcud
tendensiyaları və inkişaf dinamikasını araşdırır, Azərbaycanda fəaliyyət
göstərən özəl şirkətlərdə korporativ idarəetmə standartlarının tətbiqində dəyişikliklər
və irəliləyişləri təhlil edir. Bu araşdırma həmçinin, müşahidə şurasında
risklərə nəzarət, strateji istiqamətin müəyyən edilməsində müşahidə şurasının
rolu, muşahidə şurasının tərkibi, icraedici orqan rәhbәrlәrinin məvacibi və
korporativ idarəetmə standartlarına dair yerli qanunvericiliyin effektivliyi
kimi müxtəlif mövzuları təhlil edir.
Onu da əlavə edək ki, son 13 il ərzində Deloitte Azərbaycan korporativ
idarəetmə ilə bağlı bir sıra layihələr həyata keçirib və qabaqcıl beynəlxalq
praktikaların tətbiqi üçün Azərbaycandakı şirkətlərə yardımçı olub. Deloitte
müştərilərin xüsusi tələblərini təmin etmək üçün planlaşdırılmış idarəetmə
strukturlarının yaradılmasında, müşahidə şuraları ilə bağlı praktikaların
qiymətləndirilməsi və müqayisəli təhlilində, risklərin idarə edilməsi və
nəzarət sistemlərinin tətbiqində, etika və tələblərə əməletmə proqramlarının
reallaşdırılmasında müştərilərə dəstək olub.