Dəhşətli gəmi faciəsi baş verdi: yüzlərlə batan var

Koreya yarımadasının cənub sahillərində bədbəxt hadisə baş verib. 470 nəfəri Jeju adasına aparan gəmi batıb. Xilasedicilər tərəfindən 147 sərnişin xilas edilib, hələlik 1 nəfərin isə meyiti tapılıb. Hadisə yerinə helikopter və xilasedicilər göndərilib. Sərnişinlər arasında ən azı 325 nəfər şagird və müəllim olduğu bildirilir. Digər sərnişinlərin kimliyi haqqında isə hələki məlumat yoxdur.
Qeyd edək ki, gəminin hansı səbəbdən batdığı ilə bağlı hər hansı rəsmi açıqlama yoxdur./aznews/