Daxili işlər naziri Qattuzonu təhqir etdi
A seriyasının 14-cü
turunda "Milan”ın "Latsio” ilə heç heçə (1:1) etməsi İtaliyanın daxili işlər
naziri Matteo Salvini qane etməyib.
Kaspi.az xəbər
verir ki, "Milan”nın çılğın azarkeşi olan Salvi xal itkisinə görə baş məşqçi
Cennaro Qattuzonu günahlandırıb. O, Qattuzonu təhqir edəcək ifadələr işlədib:
"Qattuzo
donuzbaşdır. Əgər sən belə önəmli qarşılaşmada qol vurursansa, onda normal şəkildə
müdafiə olunmalısan. Cennaro nə vaxt əvəzetməyə
qərar verdi? Əlavə vaxtda? Minimum 3 futbolçu vardı ki, leysana və meydanın vəziyyətinə
görə, yorğun idilər. Kimsə mənə izah etsin, Qattuzo niyə belə tərsdir?
Son 10 dəqiqədə
meydana qaçmağı bacaran futbolçular buraxmaq lazım idi. Onun qərarlarının
düzgün olmadığını anlamaq üçün məşqçilik sertifikatı almağa ehtiyac yoxdur. Bunu,
hər bir azarkeş anlayır. "Milan”ın
problemləri müdafiədə və yarımmüdafiədədir. Taktiki düzülüşü görəndə allaha dua etməyə başladım”.