Daşkənddə Əlişir Nəvaiyə həsr olunmuş beynəlxalq konfrans keçirilir - FOTOLAR
"Noyabrın 23-də Özbəkistanın
Nəvai şəhərində başlayan "Əlişir Nəvai-580” beynəlxalq elmi konfransı Daşkənddə
davam edəcək".
Bu barədə Kaspi.az-a konfransın
iştirakçısı filologiya elmləri doktoru Almaz Ulvi Binnatova məlumat verib.
Ədəbiyyatşünas, yazıçı-publisist
Almaz Ulvi Binnatova qeyd edib ki, nəvaişünasların toplantısı Daşkəbddəki
"Nəvai teatrı"nda öz işinə başlayacaq: "Nəvai şəhərində 3 dəfə məruzəm
dinlənildi. Plenar iclasda Azərbaycan adına konfrans iştirakçılarını
salamlayaraq "Azərbaycanda Nəvaişünaslıq məsələləri" mövzusunda çıxış
etdim. Çıxışdan sonra Nəvai haqqında
yazdığım kitabları Nəvai vilayət hakiminə təqdim elədim. Bölmə iclaslarında isə
"Əlişir Nəvainin "Şeyx Sənan” qissəsi” və "Əlişir Nəvainin "Oxatma haqqında
risaləsi” mövzularında məruzələrim oldu. 23 noyabrda Nəvai şəhərində başlayan
"Əlişir Nəvai-580" beynəlxalq elmi konfransı Daşkənddə davam edəcək”.
Xatırladaq ki, konfransda
ölkəmizi təmsil edən filologiya elmləri doktoru Almaz Ulvi Binnatova Azərbaycan
Milli Elmlər Akademiyasının Nizami adına Ədəbiyyat İnstitutunun "Azərbaycan-Türkmənistan-Özbəkistan
ədəbi əlaqələr" şöbəsinin müdiridir. O, Özbəkistan Respublikası Kokand
Dövlət Pedaqoji İnstitutunun Fəxri Professoru, Bişkek şəhərində yaradılan "Türk
Dünyası Vətəndaşlığı və Türk Dünyası Eğitimciler Birliği” təşkilatın üzvüdür.