• cümə, 29 Mart, 19:47
  • Baku Bakı 14°C

Dalaşan güləşçilər Oyunlardan kənarlaşdırıldı

17.06.15 15:37 1856
Dalaşan güləşçilər Oyunlardan kənarlaşdırıldı
Azərbaycanda keçirilən Bakı-2015 I Avropa Oyunlarında qeyri-adi hadisə baş verib.
Apasport.az saytının məlumatına görə, kişilər arasında sərbəst güləş üzrə görüşdə iki idmançı yarışdan kənarlaşdırılıb. 57 kq çəki dərəcəsində belaruslu Vladislav Andreyevlə gürcüstanlı Vladimir Xinçeqaşvili arasında keçirilən yarımfinal görüşü zamanı idmançılar əsəblərinə hakim ola bilməyiblər. Andreyev 2:1 hesabı ilə öndə olarkən rəqibi ona sillə zərbəsi vurub. Belaruslu pəhləvan da buna qarşılıq verincə, iki idmançı arasında dava düşüb və hakim dərhal onları ayırıb.
Bu hadisəyə görə görüş yarımçıq dayandırılıb və hər iki idmançı döşəkdən kənarlaşdırılıb.
Hakimlərin qərarına əsasən, hər iki idmançı diskvalifikasiyaya məruz qalıb və onların 1/4 finalda məğlub etdikləri güləşçilər - Marsel Evatla (Almaniya) İslam İslamay (Albaniya) yarımfinal görüşünə çıxıblar.
Burada qalib gələn idmançı rusiyalı Lebedevlə qızıl medal uğrunda üz-üzə gələcək.
banner

Oxşar Xəbərlər