DÇ-yə getməyən ölkələr üçün “təsəlli” turniri
ABŞ Futbol Federasiyası beynəlxalq turnir keçirmək istəyir.
Kaspi.az xəbər verir ki, turnirdə DÇ-2018-ə vəsiqə qazana bilməyən
yığmaların iştirakı nəzərdə tutulub. Məlumata görə, ABŞ Futbol Federasiyası
ideya ilə bağlı Hollandiya, Çili, İtaliya və Qanaya artıq dəvət göndərib.
Turnirin 2018-ci ildə milli çempionatlar yekunlaşandan dərhal sonra
başlaması nəzərdə tutulub. Yarış Rusiyada keçiriləcək mundialın startına qədər
yekunlaşmalıdır.